Qyrǵyzstannyń Halyqaralyq valiýta qoryna qaryzy 12,6 mln dollarǵa azaiady. Bul týraly ekonomika jáne qarjy ministrligi habarlady.
Málimetke qaraǵanda, Halyqaralyq valiýta qorynyń atqarýshy keńesi tabysy az 24 eldiń qaryzyn keshirý jóninde sheshim qabyldady. Ol elderdiń arasynda Qyrǵyzstan da bar.
"Qaryzdyń keshirilýi qarajatty densaýlyq saqtaý salasy men ekonomikaǵa burýǵa múmkindik beredi", - delingen ministrlik málimetinde.
Munyń aldynda Qyrǵyzstannyń Qytai eksport jáne import bankine qaryzyn óteý merzimin sozý týraly kelissóz júrip jatqany habarlanǵan. 51,1 mln dollardy alty jylǵa 2 paiyzdyq ósimmen bólip tóleý usynylǵan.
Resmi málimet boiynsha, Qyrǵyzstannyń memlekettik qaryzy biyl 416 mlrd somnan (4 mlrd 921 mln dollar) asqan, sonyń 85 paiyzy - syrtqy qaryz.
