Halyqaralyq valiýta qorynyń QR-daǵy missiiasynyń basshysy Mark Horton Daniiar Aqyshevtiń Ulttyq bank tóraǵasy qyzmetindegi jumysyna baǵa berdi, - dep habarlaidy "Ult aqparat" kaz.tengrinews.kz portalyna silteme jasap.
"Biz Aqyshev myrzaǵa belgili bir deńgeide qysym túskenin bilemiz jáne bul onyń jetken jetistikterine de bailanysty bolýy múmkin. Daǵdarys ýaqytynda ekonomikany turaqtandyrý boiynsha jumys óte aýyr. Bul da ekonomikada aitarlyqtai qysym týǵyzady. Kei toptarǵa paiyzdyq mólsherdiń tómen bolýy mańyzdy ekenin bilemin, osy arqyly olar ótimdiliktiń bankterge berilýine qol jetkizgisi keledi. Siz BTA men bank sektorynda bolǵan jaǵdai, qaitarylmaǵan kreditter týraly habardar bolarsyz. Bul jaǵdaidyń qiyndyǵy birneshe jyl boiy arta berdi. Al Aqyshev myrza osy máseleni sheshýge tyrysyp jatyr", - dedi Horton Astanadaǵy baspasóz máslihatynda.
Sondai-aq, Halyqaralyq valiýta qorynyń ókili ekinshi deńgeili bankterdiń aktsionerleri óte myqty adamdar ekenin aitady. "Sondyqtan bul máseleni sheshý ekinshi deńgeili bank aktsionerleri tarapynan áser etýge tyrysý bolady. Bul túsinikti jaǵdai. Kez kelgen elde ortalyq bank eki baǵytta jumys isteidi: birinshi - infliatsiialyq qysymdy tómendetý, ekinshi jaǵynan bank sektorynyń uzaq ýaqyttyq máselelerin sheshý. Al Aqyshev myrza óz jumysyn jaqsy atqaryp jatyr dep bilemiz", - deidi ol.
Hortonnyń aitýynsha, bir jyl buryn jaǵdai aitarlyqtai turaqsyz bolǵan. Sol kezde teńge negiz tabýy múmkindigi, qarjy naryǵy qalai bolatyny belgisiz bolǵan. Aitýynsha, Ulttyq bank osy qiyndyqtardy rettei aldy. "Bank aqparattyq jumys júrgizedi, málimetter beredi, infliatsiia, paiyzdyq stavka men teńge baǵamy boiynsha ne kútýge bolatynyn boljaidy. Bul Qazaqstan úshin jańa baǵyt. Bul jumysty ashyq, jyldam júrgizip, bul aqparatty aqsha-kredit saiasaty boiynsha sheshim qabyldanǵannan keiin bul aqparatty berý. Shynyn aitqanda, óte qiyn jaǵdaida kúrdeli jumys atqaryp jatyr. Keshe birikken suhbat bergenbiz. Aqyshev myrzaǵa alda qoldaý kerek bolady. Jumys áli aiaqtalmady. Nursultan Nazarbaevtyń oǵan qoldaý bildirgeni jaqsy belgi. Aldaǵy ailarda da infliatsiia deńgeiin tómendetý, ótimdilik máselesin sheshý, qarjy sektory shynaiy ekonomikaǵa kredit berý men ekinshi deńgeili bankter máselesin sheshýge baǵyttalǵan jumys jaǵdaiy óte kúrdeli bolady. Onyń qyndyqtardy osylai sheshý kózqarasy bar", - dep qorytyndylady sózin Horton.
Aita keteiik, áleýmettik jelilerde Ulttyq bank tóraǵasy ustaldy degen qaýeset paida bolǵan edi. Keiin bul málimetti Ulttyq banktegiler joqqa shyǵardy.
Al osydan keiin Memleket basshysynyń qatysýymen ótken Úkimettiń keńeitilgen otyrysynda Ulttyq bank basshysy qarjy mekemesiniń jumysy týraly esep bergen bolatyn. Baiandamadan keiin Prezident ministrler kabinetiniń múshelerine Aqyshevty qorǵap sóiledi.
"Meniń oiymsha, Ulttyq bank ótken jyly aýyr bolǵanyna qaramastan, jaqsy jumys istedi. Men qazir banktiń múmkindigin zańdy deńgeide kúsheitý úshin tapsyrma berdim. Osyndai quqyq berý kerek. Ulttyq banktiń isine aralasý elimizdiń qarjy júiesine aralasý dep sanap, jazalaý kerek. Meniń baiqaýymsha, Ulttyq bank tártip ornatqan saiyn, Ulttyq bank tóraǵasyna shabýyldar da kóbeiip ketken", - degen edi Nursultan Nazarbaev.
