حالىقارالىق ۆاليۋتا قورىنىڭ قر-داعى ميسسيياسىنىڭ باسشىسى مارك حورتون دانييار اقىشەۆتٸڭ ۇلتتىق بانك تٶراعاسى قىزمەتٸندەگٸ جۇمىسىنا باعا بەردٸ, - دەپ حابارلايدى "ۇلت اقپارات" kaz.tengrinews.kz پورتالىنا سٸلتەمە جاساپ.
"بٸز اقىشەۆ مىرزاعا بەلگٸلٸ بٸر دەڭگەيدە قىسىم تٷسكەنٸن بٸلەمٸز جەنە بۇل ونىڭ جەتكەن جەتٸستٸكتەرٸنە دە بايلانىستى بولۋى مٷمكٸن. داعدارىس ۋاقىتىندا ەكونوميكانى تۇراقتاندىرۋ بويىنشا جۇمىس ٶتە اۋىر. بۇل دا ەكونوميكادا ايتارلىقتاي قىسىم تۋعىزادى. كەي توپتارعا پايىزدىق مٶلشەردٸڭ تٶمەن بولۋى ماڭىزدى ەكەنٸن بٸلەمٸن, وسى ارقىلى ولار ٶتٸمدٸلٸكتٸڭ بانكتەرگە بەرٸلۋٸنە قول جەتكٸزگٸسٸ كەلەدٸ. سٸز بتا مەن بانك سەكتورىندا بولعان جاعداي, قايتارىلماعان كرەديتتەر تۋرالى حاباردار بولارسىز. بۇل جاعدايدىڭ قيىندىعى بٸرنەشە جىل بويى ارتا بەردٸ. ال اقىشەۆ مىرزا وسى مەسەلەنٸ شەشۋگە تىرىسىپ جاتىر", - دەدٸ حورتون استاناداعى باسپاسٶز مەسليحاتىندا.
سونداي-اق, حالىقارالىق ۆاليۋتا قورىنىڭ ٶكٸلٸ ەكٸنشٸ دەڭگەيلٸ بانكتەردٸڭ اكتسيونەرلەرٸ ٶتە مىقتى ادامدار ەكەنٸن ايتادى. "سوندىقتان بۇل مەسەلەنٸ شەشۋ ەكٸنشٸ دەڭگەيلٸ بانك اكتسيونەرلەرٸ تاراپىنان ەسەر ەتۋگە تىرىسۋ بولادى. بۇل تٷسٸنٸكتٸ جاعداي. كەز كەلگەن ەلدە ورتالىق بانك ەكٸ باعىتتا جۇمىس ٸستەيدٸ: بٸرٸنشٸ - ينفلياتسييالىق قىسىمدى تٶمەندەتۋ, ەكٸنشٸ جاعىنان بانك سەكتورىنىڭ ۇزاق ۋاقىتتىق مەسەلەلەرٸن شەشۋ. ال اقىشەۆ مىرزا ٶز جۇمىسىن جاقسى اتقارىپ جاتىر دەپ بٸلەمٸز", - دەيدٸ ول.
حورتوننىڭ ايتۋىنشا, بٸر جىل بۇرىن جاعداي ايتارلىقتاي تۇراقسىز بولعان. سول كەزدە تەڭگە نەگٸز تابۋى مٷمكٸندٸگٸ, قارجى نارىعى قالاي بولاتىنى بەلگٸسٸز بولعان. ايتۋىنشا, ۇلتتىق بانك وسى قيىندىقتاردى رەتتەي الدى. "بانك اقپاراتتىق جۇمىس جٷرگٸزەدٸ, مەلٸمەتتەر بەرەدٸ, ينفلياتسييا, پايىزدىق ستاۆكا مەن تەڭگە باعامى بويىنشا نە كٷتۋگە بولاتىنىن بولجايدى. بۇل قازاقستان ٷشٸن جاڭا باعىت. بۇل جۇمىستى اشىق, جىلدام جٷرگٸزٸپ, بۇل اقپاراتتى اقشا-كرەديت ساياساتى بويىنشا شەشٸم قابىلدانعاننان كەيٸن بۇل اقپاراتتى بەرۋ. شىنىن ايتقاندا, ٶتە قيىن جاعدايدا كٷردەلٸ جۇمىس اتقارىپ جاتىر. كەشە بٸرٸككەن سۇحبات بەرگەنبٸز. اقىشەۆ مىرزاعا الدا قولداۋ كەرەك بولادى. جۇمىس ەلٸ اياقتالمادى. نۇرسۇلتان نازارباەۆتىڭ وعان قولداۋ بٸلدٸرگەنٸ جاقسى بەلگٸ. الداعى ايلاردا دا ينفلياتسييا دەڭگەيٸن تٶمەندەتۋ, ٶتٸمدٸلٸك مەسەلەسٸن شەشۋ, قارجى سەكتورى شىنايى ەكونوميكاعا كرەديت بەرۋ مەن ەكٸنشٸ دەڭگەيلٸ بانكتەر مەسەلەسٸن شەشۋگە باعىتتالعان جۇمىس جاعدايى ٶتە كٷردەلٸ بولادى. ونىڭ قىندىقتاردى وسىلاي شەشۋ كٶزقاراسى بار", - دەپ قورىتىندىلادى سٶزٸن حورتون.
ايتا كەتەيٸك, ەلەۋمەتتٸك جەلٸلەردە ۇلتتىق بانك تٶراعاسى ۇستالدى دەگەن قاۋەسەت پايدا بولعان ەدٸ. كەيٸن بۇل مەلٸمەتتٸ ۇلتتىق بانكتەگٸلەر جوققا شىعاردى.
ال وسىدان كەيٸن مەملەكەت باسشىسىنىڭ قاتىسۋىمەن ٶتكەن ٷكٸمەتتٸڭ كەڭەيتٸلگەن وتىرىسىندا ۇلتتىق بانك باسشىسى قارجى مەكەمەسٸنٸڭ جۇمىسى تۋرالى ەسەپ بەرگەن بولاتىن. باياندامادان كەيٸن پرەزيدەنت مينيسترلەر كابينەتٸنٸڭ مٷشەلەرٸنە اقىشەۆتى قورعاپ سٶيلەدٸ.
"مەنٸڭ ويىمشا, ۇلتتىق بانك ٶتكەن جىلى اۋىر بولعانىنا قاراماستان, جاقسى جۇمىس ٸستەدٸ. مەن قازٸر بانكتٸڭ مٷمكٸندٸگٸن زاڭدى دەڭگەيدە كٷشەيتۋ ٷشٸن تاپسىرما بەردٸم. وسىنداي قۇقىق بەرۋ كەرەك. ۇلتتىق بانكتٸڭ ٸسٸنە ارالاسۋ ەلٸمٸزدٸڭ قارجى جٷيەسٸنە ارالاسۋ دەپ ساناپ, جازالاۋ كەرەك. مەنٸڭ بايقاۋىمشا, ۇلتتىق بانك تەرتٸپ ورناتقان سايىن, ۇلتتىق بانك تٶراعاسىنا شابۋىلدار دا كٶبەيٸپ كەتكەن", - دەگەن ەدٸ نۇرسۇلتان نازارباەۆ.
