Premer-ministr Baqytjan Saǵyntaev Mádeniet jáne sport ministrligine halyqaralyq terminderdi qazaq tiline aýdarý tásilderin qaita qarastyrýdy tapsyrdy, dep habarlaidy "Ult aqparat" Sputnik Qazaqstan agenttigine silteme jasap.
"Elbasy joldaýda qazaq tilindegi terminologiia máselesine de erekshe nazar aýdardy. Qalyptasqan halyqaralyq terminderdi aýdaryp, qazaq tilin qiyndatýdyń qajeti joq ekenin atap kórsetti. Qaita biz latyn grafikasyna kóshý jaǵdaiynda halyqaralyq terminderdi tilimizge yńǵaily, utymdy paidalaný jaǵyn qaraýymyz kerek. Osyǵan bailanysty mádeniet jáne sport ministrligi jalpy jurt maquldaǵan álemdegi terminderdi aýdarýdyń tásilderin qaita qaraýy tiis", — dep tapsyrdy Saǵyntaev úkimet otyrysynda ministr Muhamediulyna.
Aita ketsek, prezident joldaýynda halyqaralyq terminderdi qazaq tiline aýdarý tájiribesin synaǵan bolatyn. Memleket basshysy tásilderdi qaita qarastyryp, terminologiia turǵysynan qazaq tilin halyqaralyq deńgeige jaqyndatýdy tapsyrdy.
Nursultan Nazarbaev latyn álipbiine kóshý bul máseleni retteýge múmkindik beretinine senim bildirdi.
