Túrki keńesi aiasynda yntymaqtastyń bolashaǵy zor dep aitýǵa tolyq negiz bar. Bul týraly Túrki tildes memleketter yntymaqtastyǵy keńesiniń beiresmi sammitinde Qazaqstan Prezidenti Qasym-Jomart Toqaev málim etti, dep habarlaidy "Ult aqparat".
«Qazirgi halyqaralyq saiasat pen qarym-qatynasta Túrki áleminiń mańyzy arta túskeni barshaǵa málim. Endeshe, Túrki keńesi aiasynda yntymaqtastyń bolashaǵy zor dep aitýǵa tolyq negiz bar. Biz óńirlik jáne jahandyq máseleler boiynsha ózimizdiń kózqarasymyzdy bildirýimiz kerek. Bizdiń daýysymyz nyq ári aiqyn bolýǵa tiis. Osy oraida biz barlyq bastamalar men usynystardy baýyrlas eldermen birlese júzege asyrýǵa daiynbyz», - dedi Memleket basshysy.
Aita keteiik, beiresmi sammitti Memleket basshysy Qasym-Jomart Toqaev ashyp, júrgizdi. Jiynǵa Qazaqstan Respýblikasynyń Tuńǵysh Prezidenti – Elbasy Nursultan Nazarbaev, Túrkiia Prezidenti Rejep Taiip Erdoǵan, Ázerbaijan Prezidenti Ilham Áliev, Ózbekstan Prezidenti Shavkat Mirziioev, Qyrǵyzstan Prezidenti Sadyr Japarov, Túrikmenstan Prezidenti Gýrbangýly Berdimuhamedov, Vengriia Premer-ministri Viktor Orban, Túrki tildes memleketterdiń yntymaqtastyq keńesiniń Bas hatshysy Baǵdad Ámireev qatysty.
