تٷركٸ كەڭەسٸ اياسىندا ىنتىماقتاستىڭ بولاشاعى زور دەپ ايتۋعا تولىق نەگٸز بار. بۇل تۋرالى تٷركٸ تٸلدەس مەملەكەتتەر ىنتىماقتاستىعى كەڭەسٸنٸڭ بەيرەسمي سامميتٸندە قازاقستان پرەزيدەنتٸ قاسىم-جومارت توقاەۆ مەلٸم ەتتٸ, دەپ حابارلايدى "ۇلت اقپارات".
«قازٸرگٸ حالىقارالىق ساياسات پەن قارىم-قاتىناستا تٷركٸ ەلەمٸنٸڭ ماڭىزى ارتا تٷسكەنٸ بارشاعا مەلٸم. ەندەشە, تٷركٸ كەڭەسٸ اياسىندا ىنتىماقتاستىڭ بولاشاعى زور دەپ ايتۋعا تولىق نەگٸز بار. بٸز ٶڭٸرلٸك جەنە جاھاندىق مەسەلەلەر بويىنشا ٶزٸمٸزدٸڭ كٶزقاراسىمىزدى بٸلدٸرۋٸمٸز كەرەك. بٸزدٸڭ داۋىسىمىز نىق ەرٸ ايقىن بولۋعا تيٸس. وسى ورايدا بٸز بارلىق باستامالار مەن ۇسىنىستاردى باۋىرلاس ەلدەرمەن بٸرلەسە جٷزەگە اسىرۋعا دايىنبىز», - دەدٸ مەملەكەت باسشىسى.
ايتا كەتەيٸك, بەيرەسمي سامميتتٸ مەملەكەت باسشىسى قاسىم-جومارت توقاەۆ اشىپ, جٷرگٸزدٸ. جيىنعا قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆ, تٷركييا پرەزيدەنتٸ رەجەپ تاييپ ەردوعان, ەزەربايجان پرەزيدەنتٸ يلحام ەليەۆ, ٶزبەكستان پرەزيدەنتٸ شاۆكات ميرزييوەۆ, قىرعىزستان پرەزيدەنتٸ سادىر جاپاروۆ, تٷرٸكمەنستان پرەزيدەنتٸ گۋربانگۋلى بەردٸمۇحامەدوۆ, ۆەنگرييا پرەمەر-مينيسترٸ ۆيكتور وربان, تٷركٸ تٸلدەس مەملەكەتتەردٸڭ ىنتىماقتاستىق كەڭەسٸنٸڭ باس حاتشىسى باعداد ەمٸرەەۆ قاتىستى.
