Halyqaralyq sarapshylar Qazaqstan ekonomikasy ósiminiń boljamyn joǵarylatty. Bul týraly Bishkekte «Eýropalyq Odaq – Ortalyq Aziia» ekonomikalyq forýmynda QR Úkimet basshysy Asqar Mamin málim etti, dep habarlaidy QazAqparat.
«Bizdegi progress aldyńǵy qatarly qarjy uiymdary tarapynan eleýsiz qalmady. Moody's agenttigi jaqynda Qazaqstannyń nesie reitingin kóterip, ony naqty sektordaǵy turaqty ósimmen jáne kapital naryǵyndaǵy jaǵdaidyń jaqsarýymen túsindirdi», - dedi Asqar Mamin.
Úkimet basshysy Moody's agenttigi 2021 jyly Qazaqstan ekonomikasynyń ósimi boljamyn 4 paiyzǵa deiin jáne 2022 jylǵa 4,5 paiyzǵa deiin kóterdi.
«Qalpyna kelý progresi eýropa óńiri men Ortalyq Aziia elderimen tyǵyz yntymaqtastyq pen úilestirýsiz múmkin bolmas edi», - dedi Asqar Mamin.
Budan buryn habarlanǵandai, búgin Bishkekte Premer-Ministrler deńgeiinde «Eýropalyq Odaq – Ortalyq Aziia» ekonomikalyq forýmy bastaldy.
