Bilim berý salasyndaǵy qyzmetti nyǵaityp, pedagogtyń kásiptik deńgeiin kóterý úshin oqýshylardyń úzdik oqýy, túrli olimpiadalarǵa qatysýy qajetti. Oqýshylardyń respýblikalyq olimpiadasy daryndy balalardy anyqtaý jáne damytý, oqýshylardyń ǵylymi bilimge qyzyǵýshylyǵyn arttyrýdyń tiimdi nysandarynyń biri ekeni de beseneden belgili. Osy oraida biylǵy jylǵy Naýryzdyń 9-10 aralyǵynda onlain rejimde Aziia-Tynyq muhity 33-shi Halyqaralyq matematika olimpiadasy jáne «Jibek joly» 20-shy Halyqaralyq matematika olimpiadasy ótti, - dep habarlaidy «Ult aqparat».
Atalǵan Halyqaralyq olimpiadalarda Kókshetaý qalasyndaǵy «Bilim-innovatsiia» litseiiniń oqýshysy top jaryp, júldeger atandy.
Olimpiada qorytyndysy boiynsha «Bilim – innovatsiia» litsei-internatynyń 11-synyp oqýshysy Arslan Daminov Aziia-Tynyq muhity 33-shi Halyqaralyq matematika olimpiadasynda úshinshi oryn jáne «Jibek joly» 20-shy Halyqaralyq matematika olimpiadasynda ekinshi oryn aldy.
«Olimpiadaǵa qatysý úshin jyldar boiy matematikany úzldik oqydym. Halyqaralyq olimpiadada top jarý úshin kóp eńbek etý qajet boldy. Osy jetistikke jetý jolymda bar kúsh-jigerin aiamaǵan ata-anam men ustazdaryma alǵys bildiremin. Bolashaqta myqty matematik bolǵym keledi. Qazirdiń ózinde birneshe djoǵary oqý ornynyń grantyn ielendim. Tek mektep bitirgen soń tańdaimyn. Asqar Jumadildaev siiaqty myqty matematik bolsam, armanym joq. sol úshin únemi izdenis ústindemin», - dep qýanyshyn bólisti júldeger oqýshy.
Aita keteiik, túrli deńgeidegi bilim berý jarystarynyń birneshe dúrkin jeńimpazy Arslan Daminov Qazaqstan-Britan tehnikalyq ýniversiteti grantynyń iegeri atanǵan.
«Arslan bizde kishkentaiynan matematikaǵa júirik. Sońǵy eki jyl oqýdyń qashyqtan bolǵanyna, onlain oqyǵanyna qaramastan ol osyndai nátijege qol jetkizip otyr. Onyń armany myqty matematik bolý. Qazir belgili ýniversitetterdiń ózinen oqýshymyzǵa suranys bar. onyń bolashaqta myqty maman bolyp shyǵatynyna senemiz. Eń bastysy bala kezgi armany aldamasa boldy. Onyń Halyqaralyq olimpiadalarda top jarqany ózi men ata-anasynyń ǵana emes, bizdiń ustazdary men synyptastarynyń da maqtanyshyna ainaldy. Shákirtimizge sáttilik tileimiz, árqashan taqym qysyp otyramyz», - deidi matematikaǵa júirik oqýshynyń ustazy.
Atalǵan rejimde Aziia-Tynyq muhity 33-shi Halyqaralyq matematika olimpiadasy jáne «Jibek joly» 20-shy Halyqaralyq matematika olimpiadasyna Qazaqstannan barlyǵy 150 oqýshy qatysty. Onyń ishinde Aqmola oblysynyń namysyn Kókshetaý qalasyndaǵy «Bilim – innovatsiia» litsei-internatynyń oqýshylary Mirat Hamitov, Álihan Muqashev, Didar Dáýletbai, Ádilhan Alpysbai, Arslan Daminov jáne Nur-Sultan qalasyndaǵy daryndy balalarǵa arnalǵan №2 oblystyq mamandyrylǵan mektep-internatynyń oqýshysy Didar Qabylbek qorǵady. Aita keteiik, atalǵan ziiatkerlik olimpiadalardy ótkizýdiń negizgi ideiasy – matematika ǵylymdary salasynda daryndy oqýshylardy anyqtaý, damytý jáne qoldaý úshin jaǵdai jasaý, sondai-aq qatysýshy elder arasyndaǵy halyqaralyq bilim berý jáne ǵylymi bailanystardy damytý.
Esterińizge sala keteiik, biylǵy jylǵy naýryzdyń 9-10 aralyǵynda onlain rejimde Aziia-Tynyq muhity 33-shi Halyqaralyq matematika olimpiadasy jáne «Jibek joly» 20-shy Halyqaralyq matematika olimpiadasy ótti. Atalǵan Halyqaralyq olimpiadalarda Kókshetaý qalasyndaǵy «Bilim-innovatsiia» litseiiniń oqýshysy top jaryp, júldeger atandy.
