Foto: Polisia.kz
IIM izdeýde júrgen qylmyskerlerdi elden tys jerde ustaýdy jalǵastyrýda, dep habarlaidy Ult.kz Polisia.kz-ke silteme jasap.
IIM TMD elderiniń quqyq qorǵaý organdarymen ózara is qimyl jasai otyryp, izdeýde júrgen qylmyskerlerdiń ornalasqan jerin anyqtaý jáne olardy ustaý jónindegi jumysty jalǵastyrýda. Mysaly, Máskeý qalasynda 28 jastaǵy qazaqstandyq azamat ustaldy. Ol ótken jyldyń sáýir-qazan ailary aralyǵynda Almatyda jergilikti turǵyndardan qymbat smartfondardy satý syltaýymen alyp, keiin izin sýytqan. Osylaisha ol jeti adamdy aldaǵan. Shyǵyn 32 mln teńgeden asty.
Resei Federatsiiasynyń Liýbertsy qalasynda Shymkenttiń politsiia departamentiniń qyzmetkerleri sheteldik áriptesterimen birlesip, 36 jastaǵy Ózbekstan azamatyn ustady. Kúdikti áiel 2014 jyly shymkenttik turǵynǵa tiesili jer ýchaskesin aldap satyp jibergen. Jábirlenýshige keltirilgen zalal somasy 14 myń dollardy qurady.
— 2025 jyldyń basynan bastap Qazaqstannan tys jerlerde 11 qylmysker tabyldy. Bizdiń elimizdiń aýmaǵynda basqa elderdiń quzyretti organdary úshin 44 qylmysker ustaldy, — delingen habarlamada.
