Búgin Qazaqstan Respýblikasynyń Ulttyq arhivinde «Jadymyzdan óshe bastaǵan jáne jańa esimderdi ǵylymnyń san taraýly salasynan izdestirý. Qazaqstan: 1960-2000 jj.» taqyrybynda halyqaralyq ǵylymi-tájiribelik konferentsiia ótti. Sharany Qazaqstan Respýblikasy Mádeniet jáne sport ministrliginiń "Ortalyq memlekettik ǵylymi-tehnikalyq qujattama arhivi" men "Qazaqstan Respýblikasynyń Ulttyq arhivi" birlese uiymdastyrdy.
"Konferentsiia arhiv salasyndaǵy yntymaqtastyq jónindegi Qazaqstan-Resei komissiiasynyń 2018 jyldyń 5 sáýirinde ótken Birinshi otyrysynda bekitilgen reseilik jáne qazaqstandyq arhivisterdiń birlesken is-sharalar josparyna sáikes ótkizilip otyr", - dedi "Ortalyq memlekettik ǵylymi-tehnikalyq qujattama arhivi" RMM direktory Baian Jumataeva óz sózinde.
Konferentsiiada ótken kezeńderdi zerdeleýdegi arhivtik derekkózderdiń róli, qujattyq muralardy paidalaný máseleleri, HH ǵasyrdyń sońynda otandyq ǵylym men tehnikanyń damýyna eleýli úles qosqan, bul kúnde jadymyzdan óshe bastaǵan tulǵalarǵa qatysty tarihi ádilettilikti ornatý syndy máseleler talqylandy. Konferentsiia qatysýshylarynyń nazaryna Qazaqstan Respýblikasy Mádeniet jáne sport ministrliginiń Ortalyq memlekettik ǵylymi-tehnikalyq qujattama arhivi qorlarynyń negizinde daiyndalǵan tarihi-qujattyq kórme usynyldy.
Sharaǵa Qazaqstan Respýblikasy Mádeniet jáne sport ministrliginiń ókilderi, qazaqstandyq jáne reseilik arhivister, tarihshylar, joǵary oqý oryndarynyń oqytýshylary, qoǵamdyq uiymdardyń ókilderi qatysty.
