Foto: Instagram.com / maksim_erjan
Halyqaralyq Sanremo Best Song baiqaýynda jeńiske jetken Erjan Maksim elge oraldy, dep habarlaidy 24kz.
Ony Astana áýejaiyna jinalǵan bir top jankúieri ystyq yqylaspen kútip aldy. Oraldyq óren Dýbaida ótken saiysta halyq áni «Aiqarakózdi» shyrqap, gran-pri ielengen edi. Bala kezinen tyńdarmanyn ózindik ónerimen tamsandyryp júrgen Erjan Maksimge qazylar alqasy biraýyzdan joǵary baǵa berdi.
2019 jyly jerlesimiz Qazaqstan atynan «Balalar Eýrovideniesine» qatysqan bolatyn.
Erjan Maksim, halyqaralyq baiqaý jeńimpazy:
- Biz gran-pri, bas júlde alyp úirenip qalǵanbyz. Sondyqtan ózime senimdi boldym. Óte keremet konkýrs boldy. Barlyq kelgen jankúierlerge shyn júrekten alǵysym sheksiz. Barlyǵy aǵylshynsha óleń aitty. Frantsýz tilinde shyrqalyp jatty. Ózim qazaqsha óleń aitaiyn dedim endi. Birinshi ret halyq ánin aityp jatyrmyn.
Gúlmira Álibek, Erjan Maksimniń anasy:
- Erjannyń jeńisine jalǵyz biz emes, búkil halyq senimdi boldy dep oilaimyn. Allaǵa shúkir, osyndai jeńis buiyryp jatyr. Óte qýanyshtymyz. Ár baiqaý synaq bolǵannan keiin óte mańyzdy dep oilaimyn. Mańyzdylyǵymen oryn alady. Sondyqtan Erjan árdaiym qandai baiqaý bolsa da, úlken jaýapkershilikpen daiyndalyp barady.
