فوتو: Instagram.com / maksim_erjan
حالىقارالىق Sanremo Best Song بايقاۋىندا جەڭٸسكە جەتكەن ەرجان ماكسيم ەلگە ورالدى, دەپ حابارلايدى 24kz.
ونى استانا ەۋەجايىنا جينالعان بٸر توپ جانكٷيەرٸ ىستىق ىقىلاسپەن كٷتٸپ الدى. ورالدىق ٶرەن دۋبايدا ٶتكەن سايىستا حالىق ەنٸ «ايقاراكٶزدٸ» شىرقاپ, گران-پري يەلەنگەن ەدٸ. بالا كەزٸنەن تىڭدارمانىن ٶزٸندٸك ٶنەرٸمەن تامساندىرىپ جٷرگەن ەرجان ماكسيمگە قازىلار القاسى بٸراۋىزدان جوعارى باعا بەردٸ.
2019 جىلى جەرلەسٸمٸز قازاقستان اتىنان «بالالار ەۋروۆيدەنيەسٸنە» قاتىسقان بولاتىن.
ەرجان ماكسيم, حالىقارالىق بايقاۋ جەڭٸمپازى:
- بٸز گران-پري, باس جٷلدە الىپ ٷيرەنٸپ قالعانبىز. سوندىقتان ٶزٸمە سەنٸمدٸ بولدىم. ٶتە كەرەمەت كونكۋرس بولدى. بارلىق كەلگەن جانكٷيەرلەرگە شىن جٷرەكتەن العىسىم شەكسٸز. بارلىعى اعىلشىنشا ٶلەڭ ايتتى. فرانتسۋز تٸلٸندە شىرقالىپ جاتتى. ٶزٸم قازاقشا ٶلەڭ ايتايىن دەدٸم ەندٸ. بٸرٸنشٸ رەت حالىق ەنٸن ايتىپ جاتىرمىن.
گٷلميرا ەلٸبەك, ەرجان ماكسيمنٸڭ اناسى:
- ەرجاننىڭ جەڭٸسٸنە جالعىز بٸز ەمەس, بٷكٸل حالىق سەنٸمدٸ بولدى دەپ ويلايمىن. اللاعا شٷكٸر, وسىنداي جەڭٸس بۇيىرىپ جاتىر. ٶتە قۋانىشتىمىز. ەر بايقاۋ سىناق بولعاننان كەيٸن ٶتە ماڭىزدى دەپ ويلايمىن. ماڭىزدىلىعىمەن ورىن الادى. سوندىقتان ەرجان ەردايىم قانداي بايقاۋ بولسا دا, ٷلكەن جاۋاپكەرشٸلٸكپەن دايىندالىپ بارادى.
