Ulttyq tólem júiesin qurý boiynsha belsendi jumys júrgizilip jatyr. Bul týraly Úkimet otyrysynda biylǵy jeti aidaǵy áleýmettik-ekonomikalyq damýdy talqylaý kezinde Ulttyq bank tóraǵasy Erbolat Dosaev aitty, dep habarlaidy "Ult aqparat".
«Qolma-qol aqshasyz tranzaktsiialar halyq tarapynan barynsha suranysqa ie bolyp otyr. Osy jylǵy 6 aida olardyń kólemi ótken jyldyń uqsas kezeńimen salystyrǵanda 29,8 trln teńgege deiin 2,3 ese ósti», - Dosaev.
Onyń aitýynsha, halyq onlain tólemderdi belsendi túrde paidalanýyn jalǵastyrýda, biylǵy jyldyń basynan bastap qolma-qol aqshasyz tranzaktsiialardyń 83 paiyzy onlain banking arqyly jasaldy.
«Memleket basshysynyń tapsyrmasyna sáikes Ulttyq tólem júiesin qurý boiynsha belsendi jumys júrgizilip jatyr. Visa jáne Mastercard halyqaralyq tólem júielerimen ulttyq tólem júiesinde teńgedegi tranzaktsiialardy óńdeý úshin aldyn ala ýaǵdalastyqqa qol jetkizildi. Union Pay halyqaralyq tólem júiesimen ýaǵdalastyqqa qol jetkizý boiynsha jumys bastaldy. Shapshań tólemder júiesin qurý aiasynda servisterdi budan ári testileýge jáne ekinshi deńgeidegi banktermen integratsiialaýǵa arnalǵan platforma ázirlendi. Ulttyq tólem júiesi shapshań tólemder qunyn 2 eseden asa tómendetýge, 2025 jylǵa deiin qolma-qol aqshasyz esep aiyrysý úlesin 57%-dan 65%-ǵa deiin ulǵaitýǵa múmkindik beredi», - dedi UB basshysy.
