Foto: pexels.com
«Halyq qatysatyn biýdjet» qalalyq baǵdarlamasyna ótinimderdi qabyldaý 9 qyrkúiekte bastalyp, 25 qyrkúiekke deiin jalǵasty. Barlyǵy budget.open-almaty.kz saityna megapolis turǵyndarynan 6 118 joba kelip tústi.
Usynystardyń sany Naýryzbai aýdany kósh bastady – turǵyndar 1370 jobany qaraýǵa joldady. Ekinshi orynda Jetisý aýdany – 1199 ótinim berilgen.
Almatylyqtar ótinish bergen negizgi baǵyt – qoǵamdyq oryndarda samaljailardy, oryndyqtardy, qoqys jáshikterin, balalardyń oinaýy men eresekterdiń demalýyna arnalǵan qurylymdardy ornatý jáne jóndeý boldy. Saitta 1500-den astam uqsas jobalar bar.
Baǵdarlamanyń kelesi kezeńi – Almaty qalasynyń ár aýdan ákimdigi janynan qurylǵan saraptamalyq keńesterdiń ótinishterdi qaraýy. 8 qazanǵa deiin árbir usynys komissiiada qaralady.
Qandai jobalar qaraýǵa qabyldanbaidy?
• qurylys-montajdaý jumystaryn júrgizbei, tek JSQ (jobalyq-smetalyq qujattamany) ázirleýge arnalǵan
• fragmenttelgen (bolashaqta qosymsha elementterdi engizýdi talap etetin)
• Almaty qalasyn damytý baǵdarlamasyna jáne Qazaqstan Respýblikasynyń zańnamasyna sáikes kelmeitin
• kommertsiialyq sipattaǵy jáne t.b.
Saraptamalyq keńester men aýdan ákimdikteriniń ókilderi kelip túsken ótinimderdi olardyń «Halyq qatysatyn biýdjet» talaptary men ólshemsharttaryna, usynylǵan sanattarǵa sáikestigin, nobaiy men boljamdy smetasynyń bolýyna qarai baǵalaidy.
Qaraýdan keiin árbir ótinim úsh mártebeniń birin alady: «Daýys berýge jiberildi», «Pysyqtaý úshin qaitaryldy» nemese «Qabyldanbady».
«Halyq qatysatyn biýdjettiń» barlyq erejelerine sáikes rásimdelgen ótinimder maquldanady jáne daýys berý kezeńine jiberiledi.
Pysyqtaý úshin qaitarylǵan usynystardyń avtorlary aǵymdaǵy jyldyń 9-14 qazan aralyǵynda óz jobalaryn túzetip, ótinimderdi qaita qaraýǵa jiberý múmkindigine ie bolady.
Avtorlar budget.open-almaty.kz internet-portalyna tirkelý kezinde kórsetken elektrondyq poshta meken-jaiyna ótinimdi pysyqtaý qajettiligi týraly habarlama alady.
Daýys berýge jiberilgen jobalar budget.open-almaty.kz internet-portalynda jariialanady.
«Halyq qatysatyn biýdjet» boiynsha keńesti nemese aqparatty Almaty qalasynyń aýdandyq ákimdikterinen, sondai-aq Almaty qalasy ákimdiginiń «Open Almaty» qoǵamdyq qabyldaýynan 224 39 29 (ishki 203) telefony arqyly alýǵa bolady.
