"Qazaqstannyń Halyq banki" AQ "Altyn Bank" AQ úlesiniń 60%-yn satý boiynsha kelisimdi aiaqtady, dep habarlaidy "Ult aqparat".
Baspasóz habarlamasynda aitylǵandai, China CITIC Bank Corporation Limited (CITIC Bank) banki aktsiialardyń 50,1%-yn, al China Shuangwei Investment Co., Ltd. (Shuangwei) 9,9%-yn satyp alǵan.
Biraq qazaqstandyq aktsionerge Altyn Bank kapitalynyń áli de 40% úlesi tiesili, sondyqtan taraptar arasynda bekitilgen aktsionerlik kelisimge sáikes belgili bir quqyqtarǵa ie bolady. Qytai jáne Qazaqstannyń retteýshi organdary maquldaǵan soń joǵaryda atalǵan kelisimge qol jetkizildi.
Altyn Bank — buryn Qazaqstannyń HSBC banki dep atalǵan — el naryǵynda 1998 jyldan beri qyzmet etip keledi. 2014 jyldyń qarashasynda ony Halyq banki tolyǵymen satyp alyp, iemdendi.
2017 jyldyń sońyndaǵy ahýal boiynsha, bank aktivteri 386,6 milliard teńgeni quraidy, al kapitaly 53,8 milliard teńge.
