BUU Ekonomikalyq jáne áleýmettik máseleler departamentiniń boljamynsha, 2022 jylǵy qarashada álem halqy 8 mlrd adamǵa jetedi, dep habarlaidy Ulysmedia.kz.
Uiym deregine súiensek, qazir álem halqynyń ósý qarqyny baiaýlaǵan. 2020 jyly jahandyq ósim 1950 jyldan beri alǵash ret jylyna 1%-dan tómen tústi. BUU boljamy boiynsha, 2030 jyly álem halqynyń sany 8,5 milliardqa jetýi múmkin. 2050 jylǵa qarai jer turǵyndarynyń sany 9,7 milliardqa, al 2100 jylǵa qarai 10,4 milliardqa jetedi.
Bul mańyzdy kezeń planetaǵa qamqorlyq jasaýdaǵy ortaq jaýapkershiligimizdi eske salady. Endi bir-birimizdiń aldyndaǵy mindettemelerimizge qai jerde áli de jetpei jatqandyǵymyz týraly oilanatyn kez keldi. Bul bizdiń ártúrliligimizdi atap ótýge, ortaq adamzatty moiyndaýǵa jáne densaýlyq saqtaý salasyndaǵy ómir súrý uzaqtyǵynyń artýyna, ana men bala óliminiń aitarlyqtai tómendeýine sebep bolǵan jetistikterge tamsanatyndai sebep, - dedi BUU Bas hatshysy Antoniý Gýterrish.
BUU 2050 jylǵa qarai álem halqynyń boljamdy ósiminiń jartysynan kóbi Kongo Demokratiialyq Respýblikasy, Egipet, Efiopiia, Úndistan, Nigeriia, Pákistan, Filippin jáne Tanzaniiany qosa alǵanda, tek segiz elde shoǵyrlanady dep esepteidi. Sondai-aq shamamen 2027 jyly Úndistan Qytaidy basyp ozyp, álemdegi halqy eń kóp tyǵyz qonystanǵan el bolady dep boljanýda.
