بۇۇ ەكونوميكالىق جەنە ەلەۋمەتتٸك مەسەلەلەر دەپارتامەنتٸنٸڭ بولجامىنشا, 2022 جىلعى قاراشادا ەلەم حالقى 8 ملرد ادامعا جەتەدٸ, دەپ حابارلايدى Ulysmedia.kz.
ۇيىم دەرەگٸنە سٷيەنسەك, قازٸر ەلەم حالقىنىڭ ٶسۋ قارقىنى باياۋلاعان. 2020 جىلى جاھاندىق ٶسٸم 1950 جىلدان بەرٸ العاش رەت جىلىنا 1%-دان تٶمەن تٷستٸ. بۇۇ بولجامى بويىنشا, 2030 جىلى ەلەم حالقىنىڭ سانى 8,5 ميللياردقا جەتۋٸ مٷمكٸن. 2050 جىلعا قاراي جەر تۇرعىندارىنىڭ سانى 9,7 ميللياردقا, ال 2100 جىلعا قاراي 10,4 ميللياردقا جەتەدٸ.
بۇل ماڭىزدى كەزەڭ پلانەتاعا قامقورلىق جاساۋداعى ورتاق جاۋاپكەرشٸلٸگٸمٸزدٸ ەسكە سالادى. ەندٸ بٸر-بٸرٸمٸزدٸڭ الدىنداعى مٸندەتتەمەلەرٸمٸزگە قاي جەردە ەلٸ دە جەتپەي جاتقاندىعىمىز تۋرالى ويلاناتىن كەز كەلدٸ. بۇل بٸزدٸڭ ەرتٷرلٸلٸگٸمٸزدٸ اتاپ ٶتۋگە, ورتاق ادامزاتتى مويىنداۋعا جەنە دەنساۋلىق ساقتاۋ سالاسىنداعى ٶمٸر سٷرۋ ۇزاقتىعىنىڭ ارتۋىنا, انا مەن بالا ٶلٸمٸنٸڭ ايتارلىقتاي تٶمەندەۋٸنە سەبەپ بولعان جەتٸستٸكتەرگە تامساناتىنداي سەبەپ, - دەدٸ بۇۇ باس حاتشىسى انتونيۋ گۋتەرريش.
بۇۇ 2050 جىلعا قاراي ەلەم حالقىنىڭ بولجامدى ٶسٸمٸنٸڭ جارتىسىنان كٶبٸ كونگو دەموكراتييالىق رەسپۋبليكاسى, ەگيپەت, ەفيوپييا, ٷندٸستان, نيگەرييا, پەكٸستان, فيليپپين جەنە تانزانييانى قوسا العاندا, تەك سەگٸز ەلدە شوعىرلانادى دەپ ەسەپتەيدٸ. سونداي-اق شامامەن 2027 جىلى ٷندٸستان قىتايدى باسىپ وزىپ, ەلەمدەگٸ حالقى ەڭ كٶپ تىعىز قونىستانعان ەل بولادى دەپ بولجانۋدا.
