© kff.kz
Qazaqstan fýtbol federatsiiasynyń prezidenti Ádilet Bármenqulov ulttyq quramanyń tizginin nege Magomed Adievke tapsyrǵanyn túsindirdi, - dep habarlaidy Tengrinews.kz tilshisi Vesti.kz basylymyna silteme jasap.
44 jastaǵy reseilik maman búgin resmi túrde Qazaqstan quramasynyń bas bapkeri atandy. Osyǵan orai Fýtbol úiinde arnaiy jiyn bolyp, onda Ádilet Bermenqulov tańdaý nege Adievke túskenin aityp berdi.
"Halyqaralyq kúntizbeniń ereksheligin jaqsy bilesizder. Degenmen, 11 kún ishinde 4 oiyn ótkizý qiyn. Biz stress jaǵdaiyndamyz. Sondyqtan mundai sheshim nege qabyldanǵanyn túsindirgim keledi. Bizge, árine, bapkerlik quzyretti kórý qyzyq. Biraq dál qazirgi ýaqytta bul modeldi basqa formatta qarastyramyz. Bapkerlikten bólek, bizge mamannyń basqarýshylyǵy óte mańyzdy. Búgin men osy stress jaǵdaiynan qandai da bir jolmen abyroimen shyǵý kerek ekenin túsinemin. Adievtiń aldynda birinshi mindet - jaǵdai jasaý. Jattyqtyrýshylar shtabynda da, komandada da bailanys ornatý. Nege dál Magomed Mýsaevich? Birqatar kandidat qaraldy, Babaianmen de áńgimelestik. Biraq jasyratyn eshteńesi joq - eki jyl boiy men Magomed Mýsaevichpen jumys istedim, onyń jaqsy basqarýshy ekenin baiqadym", - dedi Barmenqulov.
