Almaty ákimi Baqytjan Saǵyntaev birinshi synyp oqýshylaryna sabaqty pedagogikalyq joǵary oqý oryndarynyń túlekteri beredi degen aqparatty joqqa shyǵardy, dep habarlaidy QazAqparati.
Almatynyń bilim salasy qyzmetkerleriniń «Almatynyń bilim bolashaǵy: jańa jaǵdaidaǵy perspektivalyq sheshimder» atty forýmynda B. Saǵyntaev kezekshi toptardaǵy 1-2 synyp oqýshylarmen tájiribeli muǵalimderdiń jumys isteitindigin atap ótti.
«Birinshi synyp oqýshylarynyń ata-analary joǵary oqý oryndarynyń tájiribesiz túlekteri nemese sońǵy kýrs stýdentteri sabaq beredi eken dep alańdaýshylyq bildirýde. Buǵan jol berilmeidi. Mektep tabaldyryǵyn jańadan attaǵan balalarmen tájiribeli muǵalimder jumys jasaityn bolady. Esh kúdiktenbeńizder. Bilim basqarmasyna tiisti tapsyrmalar beremin», – dedi Almaty ákimi Baqytjan Saǵyntaev.
Forýmda jańa jaǵdaida oqý protsesin uiymdastyrý jaiy talqylanýda. Onyń ishinde kezekshi toptarda sanitarlyq qaýipsizdikti saqtaý, qashyqtan oqytýdy uiymdastyrý, pedagogtar men muqtaj oqýshylardy kompiýterlik tehnikamen jáne internetpen qamtamasyz etý bar. Sonymen qatar, balabaqshalar men mektepterde orynmen qamtamasyz etýdiń ózekti máseleleri de talqylanýda.
