الماتى ەكٸمٸ باقىتجان ساعىنتاەۆ بٸرٸنشٸ سىنىپ وقۋشىلارىنا ساباقتى پەداگوگيكالىق جوعارى وقۋ ورىندارىنىڭ تٷلەكتەرٸ بەرەدٸ دەگەن اقپاراتتى جوققا شىعاردى, دەپ حابارلايدى قازاقپاراتٸ.
الماتىنىڭ بٸلٸم سالاسى قىزمەتكەرلەرٸنٸڭ «الماتىنىڭ بٸلٸم بولاشاعى: جاڭا جاعدايداعى پەرسپەكتيۆالىق شەشٸمدەر» اتتى فورۋمىندا ب. ساعىنتاەۆ كەزەكشٸ توپتارداعى 1-2 سىنىپ وقۋشىلارمەن تەجٸريبەلٸ مۇعالٸمدەردٸڭ جۇمىس ٸستەيتٸندٸگٸن اتاپ ٶتتٸ.
«بٸرٸنشٸ سىنىپ وقۋشىلارىنىڭ اتا-انالارى جوعارى وقۋ ورىندارىنىڭ تەجٸريبەسٸز تٷلەكتەرٸ نەمەسە سوڭعى كۋرس ستۋدەنتتەرٸ ساباق بەرەدٸ ەكەن دەپ الاڭداۋشىلىق بٸلدٸرۋدە. بۇعان جول بەرٸلمەيدٸ. مەكتەپ تابالدىرىعىن جاڭادان اتتاعان بالالارمەن تەجٸريبەلٸ مۇعالٸمدەر جۇمىس جاسايتىن بولادى. ەش كٷدٸكتەنبەڭٸزدەر. بٸلٸم باسقارماسىنا تيٸستٸ تاپسىرمالار بەرەمٸن», – دەدٸ الماتى ەكٸمٸ باقىتجان ساعىنتاەۆ.
فورۋمدا جاڭا جاعدايدا وقۋ پروتسەسٸن ۇيىمداستىرۋ جايى تالقىلانۋدا. ونىڭ ٸشٸندە كەزەكشٸ توپتاردا سانيتارلىق قاۋٸپسٸزدٸكتٸ ساقتاۋ, قاشىقتان وقىتۋدى ۇيىمداستىرۋ, پەداگوگتار مەن مۇقتاج وقۋشىلاردى كومپيۋتەرلٸك تەحنيكامەن جەنە ينتەرنەتپەن قامتاماسىز ەتۋ بار. سونىمەن قاتار, بالاباقشالار مەن مەكتەپتەردە ورىنمەن قامتاماسىز ەتۋدٸڭ ٶزەكتٸ مەسەلەلەرٸ دە تالقىلانۋدا.
