QR Densaýlyq saqtaý vitse-ministri Ajar Ǵiniiat kezekshi synyptardaǵy balalardyń densaýlyǵy qalai qadaǵalanatynyn jáne sanitarlyq normalardyń qalai saqtalatynyn aityp berdi, dep habarlaidy "Ult aqparat".
«Balalar da koronavirýspen aýyrady. Olar da eresektermen birge júrip, aýrý juqtyrady. Balalardyń 80% koronavirýsty jeńil formada ótkizedi. Biraq, aýrý keńinen taralsa, 3-4 aptadan keiin balalarda Kavasaki sindromy túrinde asqyný baiqalady. Bul jaǵdai AQSh-ta, Ulybritaniiada, Ispaniiada, Italiiada, aýrý keń taraǵan mekenderde kezdesti», - dedi Ajar Ǵiniiat tilshilerge bergen suhbatynda.
Onyń aitýynsha, mektepterde barlyq sanitarlyq normalar saqtalady jáne balalardyń jai-kúii baqylaýǵa alynady.
«Eger balalardyń qyzýy kóterilip nemese JRVI belgileri baiqalsa, olar mektepten shettetiledi. Biz syrqattaný kórsetkishterin jáne naýqastardyń meditsinalyq uiymdarǵa túsýin qadaǵalaimyz. Syrqattaný deńgeii kóterilse, bul bilim uiymdary karantinge jabylady. Al mekteptiń karantinge jabylýyn sanitar dárigerler sheshedi», - dedi A. Ǵiniiat.
