قر دەنساۋلىق ساقتاۋ ۆيتسە-مينيسترٸ اجار عينييات كەزەكشٸ سىنىپتارداعى بالالاردىڭ دەنساۋلىعى قالاي قاداعالاناتىنىن جەنە سانيتارلىق نورمالاردىڭ قالاي ساقتالاتىنىن ايتىپ بەردٸ, دەپ حابارلايدى "ۇلت اقپارات".
«بالالار دا كوروناۆيرۋسپەن اۋىرادى. ولار دا ەرەسەكتەرمەن بٸرگە جٷرٸپ, اۋرۋ جۇقتىرادى. بالالاردىڭ 80% كوروناۆيرۋستى جەڭٸل فورمادا ٶتكٸزەدٸ. بٸراق, اۋرۋ كەڭٸنەن تارالسا, 3-4 اپتادان كەيٸن بالالاردا كاۆاساكي سيندرومى تٷرٸندە اسقىنۋ بايقالادى. بۇل جاعداي اقش-تا, ۇلىبريتانييادا, يسپانييادا, يتالييادا, اۋرۋ كەڭ تاراعان مەكەندەردە كەزدەستٸ», - دەدٸ اجار عينييات تٸلشٸلەرگە بەرگەن سۇحباتىندا.
ونىڭ ايتۋىنشا, مەكتەپتەردە بارلىق سانيتارلىق نورمالار ساقتالادى جەنە بالالاردىڭ جاي-كٷيٸ باقىلاۋعا الىنادى.
«ەگەر بالالاردىڭ قىزۋى كٶتەرٸلٸپ نەمەسە جرۆي بەلگٸلەرٸ بايقالسا, ولار مەكتەپتەن شەتتەتٸلەدٸ. بٸز سىرقاتتانۋ كٶرسەتكٸشتەرٸن جەنە ناۋقاستاردىڭ مەديتسينالىق ۇيىمدارعا تٷسۋٸن قاداعالايمىز. سىرقاتتانۋ دەڭگەيٸ كٶتەرٸلسە, بۇل بٸلٸم ۇيىمدارى كارانتينگە جابىلادى. ال مەكتەپتٸڭ كارانتينگە جابىلۋىن سانيتار دەرٸگەرلەر شەشەدٸ», - دەدٸ ا. عينييات.
