Almaty qalasy qoǵamdyq densaýlyq saqtaý basqarmanyń shtattan tys bas infektsionisti Tamara Utaǵanova oqý jylynyń bastalýyna bailanysty ata-analarǵa saqtyq sharalary týraly aitty, dep habarlaidy QazAqparat.
Infektsionist dáriger ata-analardyń balalarǵa óz áreketimen úlgi kórsetýi mańyzdy dep sanaidy.
«Oqý jyly bastalǵaly beri mektepterde 1-2 synyp oqýshylaryna arnalǵan kezekshi toptary ashylady. Epidemiologiialyq ahýaldy eskere otyryp, ata-analarda mektepke baratyn balalardyń qaýipsizdigi týraly oryndy suraqtar týary sózsiz. Ata-analar balalaryna KVI týraly túsindirýi tiis. Balalar eger karantin talaptaryn saqtamaǵan jaǵdaida karantin kezindegi ahýal qaityp keletinin túsinýi tiis. Demalysqa barmai, úide qamalyp otyryp qalýy múmkin. Biz balalarǵa tek ózimiz úlgi bola alamyz», - dedi Tamara Utaǵanova Almatyda ótken onlain brifing barysynda.
Infektsionist maman internette tarap jatqan Kavasaki tektes sindrom týraly aqparatqa qatysty da oiyn aitty.
«KVI aýyrǵan balalarda Kavasaki tektes sindrom siiaqty asqynýlar bolatyny dáleldendi. Osyǵan bailanysty profilaktikalyq sharalardy saqtaý óte ózekti bolyp otyr. Ondai derekter bizde qazir tirkelip jatyr. Alaida, bul aýrýdyń klinikalyq belgileri áli zerttelýde, ol uzaq zertteýdi talap etedi», - dedi «I.Jekenova atyndaǵy qalalyq klinikalyq juqpaly aýrýlar aýrýhanasy» MKK dáriger-sarapshysy T.Utaǵanova.
