الماتى قالاسى قوعامدىق دەنساۋلىق ساقتاۋ باسقارمانىڭ شتاتتان تىس باس ينفەكتسيونيستٸ تامارا ۇتاعانوۆا وقۋ جىلىنىڭ باستالۋىنا بايلانىستى اتا-انالارعا ساقتىق شارالارى تۋرالى ايتتى, دەپ حابارلايدى قازاقپارات.
ينفەكتسيونيست دەرٸگەر اتا-انالاردىڭ بالالارعا ٶز ەرەكەتٸمەن ٷلگٸ كٶرسەتۋٸ ماڭىزدى دەپ سانايدى.
«وقۋ جىلى باستالعالى بەرٸ مەكتەپتەردە 1-2 سىنىپ وقۋشىلارىنا ارنالعان كەزەكشٸ توپتارى اشىلادى. ەپيدەميولوگييالىق احۋالدى ەسكەرە وتىرىپ, اتا-انالاردا مەكتەپكە باراتىن بالالاردىڭ قاۋٸپسٸزدٸگٸ تۋرالى ورىندى سۇراقتار تۋارى سٶزسٸز. اتا-انالار بالالارىنا كۆي تۋرالى تٷسٸندٸرۋٸ تيٸس. بالالار ەگەر كارانتين تالاپتارىن ساقتاماعان جاعدايدا كارانتين كەزٸندەگٸ احۋال قايتىپ كەلەتٸنٸن تٷسٸنۋٸ تيٸس. دەمالىسقا بارماي, ٷيدە قامالىپ وتىرىپ قالۋى مٷمكٸن. بٸز بالالارعا تەك ٶزٸمٸز ٷلگٸ بولا الامىز», - دەدٸ تامارا ۇتاعانوۆا الماتىدا ٶتكەن ونلاين بريفينگ بارىسىندا.
ينفەكتسيونيست مامان ينتەرنەتتە تاراپ جاتقان كاۆاساكي تەكتەس سيندروم تۋرالى اقپاراتقا قاتىستى دا ويىن ايتتى.
«كۆي اۋىرعان بالالاردا كاۆاساكي تەكتەس سيندروم سيياقتى اسقىنۋلار بولاتىنى دەلەلدەندٸ. وسىعان بايلانىستى پروفيلاكتيكالىق شارالاردى ساقتاۋ ٶتە ٶزەكتٸ بولىپ وتىر. ونداي دەرەكتەر بٸزدە قازٸر تٸركەلٸپ جاتىر. الايدا, بۇل اۋرۋدىڭ كلينيكالىق بەلگٸلەرٸ ەلٸ زەرتتەلۋدە, ول ۇزاق زەرتتەۋدٸ تالاپ ەتەدٸ», - دەدٸ «ي.جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسى» مكك دەرٸگەر-ساراپشىسى ت.ۇتاعانوۆا.
