Ortalyq kommýnikatsiialar qyzmetinde «Qazaqstan» teleradiokorporatsiiasynyń Táýelsizdik kúnine orai daiyndaǵan arnaiy jobalarynyń tanystyrylymy ótti.
Sharaǵa teleradiokorporatsiianyń Basqarma tóraǵasy Erlan Qarin qatystyp, «Qazaqstan», «Qazsport» jáne «Balapan» telearnalarynyń Táýelsizdik merekesine orai efirge shyǵatyn arnaiy jobalary týraly aitty.
Basqarma tóraǵasy Erlan Qarin: «Qazaqstan» korporatsiiasynyń quramyna kiretin telearnalar men radiolardyń, onyń ishinde Ulttyq arnanyń eń basty maqsaty - ulttyq ónerdi, ulttyq qundylyqtardy nasihattaý. Elimizdiń basty meiramy - Táýelsizdik kúnine biz erekshe mán beremiz. Ótken jyly habarlaǵandai, bizder jyl basynda, eń basty jobalarymyzdyń tusaýkeserlerin arnaiy Táýelsizdik kúnine josparlaǵan bolatynbyz. Sondyqtan, aqparat quraldary arqyly, bizdiń televiziialyq ónimder arqyly, halyq arasynda Táýelsizdik kúniniń mańyzdylyǵyn arttyrýǵa umtylamyz. Táýelsizdik kúnine orai, osy aptada bolatyn arnaiy jobalardyń baǵdarlamalyq kestesin aldyn-ala talqylaimyz. Sebebi, bul bizdiń eń úlken, tól merekemiz. Osy mereke kúnderi aýditoriiamyzdyń keń jinalatynyn eskere otyryp, tanymdy, tárbielik mańyzy bar jobalarymyzdy daiyndap, usynatyn bolamyz. Biyl, korporatsiiaǵa kiretin barlyq qurylymdarymyz osy Táýelsizdik kúnine arnaiy daiyndaldy. Ulttyq arna «Keiki mergen» jáne «Kúi ǵumyr» atty tarihi telehikaialardyń tusaýkserlerin osy Táýelsizdik kúnine arnaiy josparlanǵan bolatyn», deidi.
15 jeltoqsannan bastap, «Qazaqstan» Ulttyq arnasynda 14:50-de 16 bólimdi «Keiki mergen», al, 17 jeltoqsan kúni, saǵat 21:50-de kúi óneri, qazaqtyń jany – dombyrany arqaý etken «Kúi ǵumyr» telehikaiasy. 16 jeltoqsanda, saǵat 21:00-de «Men qazaqpyn» gala-kontsertiniń tusaýkeseri. Gala-kontsertte «Men qazaqpyn» jobasynyń jeńimpazdaryn terme, kúi jáne án janrlary boiynsha marapattap, qazylar alqasynyń músheleri Uljan Baibosynova, Aigúl Úlkenbaeva, Aigúl Elshibaeva óz ónerlerin kórsetedi.
15 jeltoqsan kúni, Táýelsizdik kúnine orai, saǵat 18:20-da «Jeltoqsannyń 16 kúni» atty derekti filmi kórsetiledi. Sondai-aq, Táýelsizdik jyldaryndaǵy elimizdiń eleýli oqiǵalary men jetistikteri, QR Prezidentiniń atqarǵan jumystary baiandalatyn «Qazaqstan» telearnasy jáne "Igraphic" dizain stýdiiasy birlese otyryp daiyndaǵan beinerolikter toptamasy usynylatyn bolady.
Sonymen qatar, Ulttyq arna kórermenderi ádettegidei «Umytylmas ánder» kontsertin, «Ázil álemi» oiyn-saýyqtyq baǵdarlamasynyń jańa shyǵarylymyn kóre alady.
Al, «Qazsport» arnasynda 16 jeltoqsan kúni, saǵat 10:10-da «Anatolii Hrapatyi: Moia rodnaia shtanga» atty derekti filmi, 19:35-te «Qazaqstan FIGHTER» realiti-shoýynyń finaldyq kórsetilimi, 23:00-de «Astana arlans» kýbogyna arnalǵan kásibi boks keshi kórermenge jol tartady.
«Balapan» arnasy 10-shy jeltoqsannan bastap kishkentai kórermenderge HD formatta 3 jańa mýlthikaia tartý etpek. Dúisenbiden bastap 12:35-te «Aidar», 12:45-te «Dala oiyndary», 16:30-da «Ertemir» animatsiialyq filmderi efirge jol tartady. Sonymen qatar, «Balapan» arnasynyń kórermenderi «Orman kúzeti» men «Shahmat patshalyǵy» mýlthihaialaryn tamashalai alady.
