ورتالىق كوممۋنيكاتسييالار قىزمەتٸندە «قازاقستان» تەلەراديوكورپوراتسيياسىنىڭ تەۋەلسٸزدٸك كٷنٸنە وراي دايىنداعان ارنايى جوبالارىنىڭ تانىستىرىلىمى ٶتتٸ.
شاراعا تەلەراديوكورپوراتسييانىڭ باسقارما تٶراعاسى ەرلان قارين قاتىستىپ, «Qazaqstan», «Qazsport» جەنە «Balapan» تەلەارنالارىنىڭ تەۋەلسٸزدٸك مەرەكەسٸنە وراي ەفيرگە شىعاتىن ارنايى جوبالارى تۋرالى ايتتى.
باسقارما تٶراعاسى ەرلان قارين: «قازاقستان» كورپوراتسيياسىنىڭ قۇرامىنا كٸرەتٸن تەلەارنالار مەن راديولاردىڭ, ونىڭ ٸشٸندە ۇلتتىق ارنانىڭ ەڭ باستى ماقساتى - ۇلتتىق ٶنەردٸ, ۇلتتىق قۇندىلىقتاردى ناسيحاتتاۋ. ەلٸمٸزدٸڭ باستى مەيرامى - تەۋەلسٸزدٸك كٷنٸنە بٸز ەرەكشە مەن بەرەمٸز. ٶتكەن جىلى حابارلاعانداي, بٸزدەر جىل باسىندا, ەڭ باستى جوبالارىمىزدىڭ تۇساۋكەسەرلەرٸن ارنايى تەۋەلسٸزدٸك كٷنٸنە جوسپارلاعان بولاتىنبىز. سوندىقتان, اقپارات قۇرالدارى ارقىلى, بٸزدٸڭ تەلەۆيزييالىق ٶنٸمدەر ارقىلى, حالىق اراسىندا تەۋەلسٸزدٸك كٷنٸنٸڭ ماڭىزدىلىعىن ارتتىرۋعا ۇمتىلامىز. تەۋەلسٸزدٸك كٷنٸنە وراي, وسى اپتادا بولاتىن ارنايى جوبالاردىڭ باعدارلامالىق كەستەسٸن الدىن-الا تالقىلايمىز. سەبەبٸ, بۇل بٸزدٸڭ ەڭ ٷلكەن, تٶل مەرەكەمٸز. وسى مەرەكە كٷندەرٸ اۋديتورييامىزدىڭ كەڭ جينالاتىنىن ەسكەرە وتىرىپ, تانىمدى, تەربيەلٸك ماڭىزى بار جوبالارىمىزدى دايىنداپ, ۇسىناتىن بولامىز. بيىل, كورپوراتسيياعا كٸرەتٸن بارلىق قۇرىلىمدارىمىز وسى تەۋەلسٸزدٸك كٷنٸنە ارنايى دايىندالدى. ۇلتتىق ارنا «كەيكٸ مەرگەن» جەنە «كٷي عۇمىر» اتتى تاريحي تەلەحيكايالاردىڭ تۇساۋكسەرلەرٸن وسى تەۋەلسٸزدٸك كٷنٸنە ارنايى جوسپارلانعان بولاتىن», دەيدٸ.
15 جەلتوقساننان باستاپ, «Qazaqstan» ۇلتتىق ارناسىندا 14:50-دە 16 بٶلٸمدٸ «كەيكٸ مەرگەن», ال, 17 جەلتوقسان كٷنٸ, ساعات 21:50-دە كٷي ٶنەرٸ, قازاقتىڭ جانى – دومبىرانى ارقاۋ ەتكەن «كٷي عۇمىر» تەلەحيكاياسى. 16 جەلتوقساندا, ساعات 21:00-دە «Men qazaqpyn» گالا-كونتسەرتٸنٸڭ تۇساۋكەسەرٸ. گالا-كونتسەرتتە «Men qazaqpyn» جوباسىنىڭ جەڭٸمپازدارىن تەرمە, كٷي جەنە ەن جانرلارى بويىنشا ماراپاتتاپ, قازىلار القاسىنىڭ مٷشەلەرٸ ۇلجان بايبوسىنوۆا, ايگٷل ٷلكەنباەۆا, ايگٷل ەلشٸباەۆا ٶز ٶنەرلەرٸن كٶرسەتەدٸ.
15 جەلتوقسان كٷنٸ, تەۋەلسٸزدٸك كٷنٸنە وراي, ساعات 18:20-دا «جەلتوقساننىڭ 16 كٷنٸ» اتتى دەرەكتٸ فيلمٸ كٶرسەتٸلەدٸ. سونداي-اق, تەۋەلسٸزدٸك جىلدارىنداعى ەلٸمٸزدٸڭ ەلەۋلٸ وقيعالارى مەن جەتٸستٸكتەرٸ, قر پرەزيدەنتٸنٸڭ اتقارعان جۇمىستارى باياندالاتىن «Qazaqstan» تەلەارناسى جەنە "Igraphic" ديزاين ستۋديياسى بٸرلەسە وتىرىپ دايىنداعان بەينەروليكتەر توپتاماسى ۇسىنىلاتىن بولادى.
سونىمەن قاتار, ۇلتتىق ارنا كٶرەرمەندەرٸ ەدەتتەگٸدەي «ۇمىتىلماس ەندەر» كونتسەرتٸن, «ەزٸل ەلەمٸ» ويىن-ساۋىقتىق باعدارلاماسىنىڭ جاڭا شىعارىلىمىن كٶرە الادى.
ال, «Qazsport» ارناسىندا 16 جەلتوقسان كٷنٸ, ساعات 10:10-دا «اناتوليي حراپاتىي: مويا رودنايا شتانگا» اتتى دەرەكتٸ فيلمٸ, 19:35-تە «Qazaqstan FIGHTER» رەاليتي-شوۋىنىڭ فينالدىق كٶرسەتٸلٸمٸ, 23:00-دە «Astana arlans» كۋبوگىنا ارنالعان كەسٸبي بوكس كەشٸ كٶرەرمەنگە جول تارتادى.
«Balapan» ارناسى 10-شى جەلتوقساننان باستاپ كٸشكەنتاي كٶرەرمەندەرگە HD فورماتتا 3 جاڭا مۋلتحيكايا تارتۋ ەتپەك. دٷيسەنبٸدەن باستاپ 12:35-تە «ايدار», 12:45-تە «دالا ويىندارى», 16:30-دا «ەرتەمٸر» انيماتسييالىق فيلمدەرٸ ەفيرگە جول تارتادى. سونىمەن قاتار, «Balapan» ارناسىنىڭ كٶرەرمەندەرٸ «ورمان كٷزەتٸ» مەن «شاحمات پاتشالىعى» مۋلتحيحايالارىن تاماشالاي الادى.
