Elimizdegi keibir aimaqta qarjy bólinip, tiisti qarjylyq múmkindik bolǵannyń ózinde sonshama kompiýterdi qysqa merzim ishinde satyp alý ońaiǵa túspeidi. Bul týraly Ortalyq kommýnikatsiialar qyzmetinde ótken mektep oqýshylarynyń IV toqsanda qashyqttan oqý júiesine arnalǵan onlain konferentsiiada aityldy, dep habarlaidy "Ult aqparat".
«Almaty qalasynda qysqa merzim ishinde 4 220 roýter taratylyp, oqýshylardyń kompiýterlerin internetke qosty. Nur-Sultan qalasy boiynsha 5 583 otbasyndaǵy kompiýter internetke qosyldy. Bul jumys barlyq óńirde jalǵasyn tabady. Roýter satyp alý úshin de biraz ýaqyt kerek. Keibir aimaqta qarjy bólinip, tiisti qarjylyq múmkindik bolǵannyń ózinde sonshama kompiýterdi qysqa merzim ishinde satyp alý qiyn bolyp jatyr. Keibir dúkenderde kompiýter jetispeýshiligi máselesi bar. Osy máseleniń sheshilýi biraz ýaqytty qajet etedi, degenmen kóbinese bul másele rettelip keledi», - deidi QR Bilim jáne ǵylym ministri Ashat Aimaǵambetov.
