Búgingi kúni dini birlestiktermen birge eńseretin birqatar syn-qaterler tur. Bul týraly búgin Parlament Májilisindegi Úkimet saǵatynda QR Din isteri jáne azamattyq qoǵam ministri Nurlan Ermekbaev málim etti, dep habarlaidy QazAqparat.
«Din salasyna toqtalatyn bolsaq, qoǵamnyń qaýipsiz bolashaǵyna bailanysty kóptegen suraqtar osy jerde shoǵyrlanǵan. «Memleket dini birlestikterdi óziniń áriptesi sanai ma, álde qaýip-qaterlerdiń shyǵý kózi retinde kóre me?» degen suraq bizge jii qoiylady. Biz olarǵa qoǵamnyń rýhani máselelerin sheshýde senimdi áriptesimiz retinde arqa súienetimizdi naqty ata alamyz, biraq buǵan birneshe sharttar bar. Birinshiden, din árbir adamnyń jeke isi, ol saiasilanbaýy jáne zańdardy aýystyrmaýy kerek. Ekinshiden, din rýhani qundylyqtarǵa basa nazar aýdaryp, basqa ustanymdaǵylardy aiyptaýǵa, kinálaýǵa jol bermeýi kerek», - dedi ministr.
Osy oraida ol Prezident «Bolashaqqa baǵdar: Rýhani jańǵyrý» maqalasynda zaiyrly dástúrler Qazaqstannyń erteden kele jatqan murasy dep atap ótkenin eske salyp ótti.
«Bunyń negizinde tózimdilik, beibitshilik jáne barlyq dindarlardyń quqyqtaryn qurmetteý jatyr. Adamdar zaiyrly demokratiialyq memleket jetistikteriniń ornyna ortaǵysyrlyq tártippen alasapyran keleýi múmkin dep alańdaidy. Bundai protsester birqatar elderde oryn alǵan. Bul jaǵdaidy qysqasha aitsaq, eger de biz búgin zaiyrly dástúrlerimizdi joǵaltsaq, azamattarymyzdyń úmit otyn joǵaltamyz. Osy rette zaiyrlylyq ateizm emes ekenin de túsingen mańyzdy. Qazaqstanda 3 600-den astam dini birlestik jumys isteidi. Olar 18 konfessiiany qamtidy. Konstitýtsiia men zańdar boiynsha barlyq dinder teń, birde bir din ózge dinder aldynda artyqshylyqqa ie emes. Búgingi kúni dini birlestiktermen birge eńseretin birqatar syn-qaterler tur. Birinshiden, sońǵy jyldary azamattar dinshildiginiń jyldam ósýi - dini mádeniettiń durys qalyptasýynan jáne dini dogmalardy syni qabyldaýdan ozyp ketti. Keibir dinshil adamdar dini qaǵidalardy sózbe-sóz buljytpai oryndaýdy zańdar men zaiyrly ǵibrattarynan joǵary orynǵa qoiyp otyr. Bul otbasyndaǵy, sondai-aq jalpy memlekettik kúrdeli syn-qaterlerdiń, shielenisterdiń shyǵý kózi», - deidi N.Ermekbaev.
