«Memlekettik áleýmettik saqtandyrý qory» AQ aktivterdi qoldaný departamentiniń direktory Aijan Qasenova kei kásipkerlerge 42 500 teńge járdemaqy nege berilmegenin túsindirdi, dep habarlaidy QazAqparat.
«Barlyq derekter memlekettik organdardyń aqparattyq júielerinen alynady. Barlyq derek salyq, memlekettik kiris organdarynda tirkelgen», - dep atap ótti A. Qasenova Nur-Sultan ákimdigi uiymdastyrǵan onlain brifingte.
Spikerdiń aitýynsha, barlyq derekter Memlekettik kirister komiteti júiesi arqyly tekseriledi.
«Shekteý sharalaryn engizý kezinde kóptegen jeke kásipkerler kassalyq apparattaryn ótkizýi qajet edi. Eger der kezinde osy jumystardy atqarmasa, 42 500 teńge berýden bas tartsa, 5 shildede engizilgen derekterdi tekserý qajet», - dedi Aijan Qasenova.
