Tanymal prodiýser Baian Maqsatqyzy ánshi Baljan Bidashtyń KeshYOU tobynyń mereitoilyq keshine qatyspaitynyn aitty. Prodiýserdiń sózinshe, buǵan derekti filmde aitylǵan pikirler sebep bolǵan, dep habarlaidy ult.kz.
Baian Maqsatqyzy Baljan Bidashtyń uzaq jyl boiy ujymda eńbek etkenin aityp, onyń eńbekqorlyǵy men ónerdegi qabiletin joǵary baǵalady.
Sonymen qatar prodiýser ánshiniń toptyń mańyzyn, ujymnyń tarihyn jáne ózine berilgen múmkindikterdi tolyq túsine bermeitinin jetkizdi.
Baian Maqsatqyzynyń aitýynsha, film shyqqannan keiin Baljan Bidash ózine qatysty kei pikirlerge kóńili tolmai, prodiýserge habarlasqan. Alagózova ár adamnyń shyndyqty ózinshe qabyldaitynyn aityp, KeshYOU tobynyń óz talaptary men qalyptasqan obrazy bar ekenin túsindirgen.
Prodiýser sondai-aq top quramyna kimniń laiyq ekenin ózi sheshetinin atap ótti. Onyń sózinshe, KeshYOU ánshiniń shyǵarmashylyq jolynda úlken ról atqarǵan.
Budan bólek, Baian Maqsatqyzy Baljan Bidashtyń mereitoilyq kontsertke alǵashynda kelisim berip, keiin qatysýdan bas tartqanyn synǵa aldy. Prodiýser mundai sheshim shyǵarmashylyq topty qiyn jaǵdaiǵa qaldyrǵanyn aitty.
