Foto: Matrica.kz
Boksshydan zorlyq-zombylyq kórdim dep shaǵym túsirgen Ánarý Qurmanáliniń ákesi sazger Qaldybek Qurmanáli málimdeme jasady.
Jýrnalist Gúlbaný Ániiatqyzy sazger osy jaǵdaiǵa bailanysty Almatyǵa kelgenin aitty.
"Sportshy Janqosh zorlady dep aryzdanǵan Ánarý Qurmanáliniń ákesimen sóilestim. Qaldybek Qurmanáli belgili sazger, Shámshi ánderin nasihattap júretinin bilesizder. Qaldybek aǵanyń 2016 jyly ómirden ótken Aqmarjan Taýbaeva esimdi áielinen Ánarý qyzy men Ánasyl uly bar eken. Balalarymmen aralasyp, kómektesip turatynyn aitty. Qaldybek Qurmanáli júregine ota jasatyp, densaýlyǵyna bailanysty Túrkistan oblysyna kóship ketken. "Qazir qyzyma kómektesý úshin Almatyǵa keldim" deidi. "Qyzym jylap kelgende bul soraqylyqty qoǵam bilýi kerek dep, jýrnalistermen suhbat uiymdastyrǵan da ózim" dep otyr", – dep jazdy jýrnalist.
BAQ ókiliniń aitýynsha, qyzdyń ákesi Janqosh Turarovqa keshirim bermei, isti aiaǵyna deiin jetkizýge kirisken kórinedi.
"Qaldybek Qurmanáli Janqosh jaqtan keshirim suraǵanyn, biraq eshqandai keshirim bere almaitynyn aitty. "Qyzymdy qorǵaýǵa janymdy, barymdy salamyn" dep otyr. Ánarý 28 jastaǵy úlken qyz, tulǵa. Janqoshpen kezdeskeni, oǵan nege sengeni jaily eshteńe aita almaimyn dedi. Qoǵamnyń býllinginen soń Ánarý birneshe ret ózine qol jumsamaq bolypty. Qazir depressiiada júr deidi. Qaldybek Qurmanáli bul máselede aiaǵyna deiin qyzynyń qasynda bolatynyn aitty", – dep málimdedi media mamany.
Eske salaiyq, Janqosh Turarov zorlady dep aiyptaǵan Ánarý Qurmanáli azamattyq nekeden týǵan tanymal kompozitordyń qyzy bolyp shyqqanyn jazǵan edik.
