QR Bilim jáne ǵylym ministrligi biryńǵai keshendi testileý erejesin bekitti. Erejege atalǵan vedomstvonyń basshysy Kúlásh Shámshidinova qol qoidy, dep habarlaidy QazAqparat tilshisi.
Buiryq alǵash resmi jariialanǵan kúninen bastap kúshine enedi.
Bul erejede oqýǵa túsýshi qandai qujattar tapsyrý kerektigi kórsetilgen. Atap aitqanda, ótinish, bilimi týraly qujat, 3x4 kólemindegi eki fotosýret, 086-Ý formasyndaǵy meditsinalyq anyqtama, testileýge qatysý úshin tólem jasalǵany týraly túbirtek usynylady.
Jeke kýáliginiń kóshirmesimen birge salystyrý úshin qujattyń ózi de kórsetiledi.
Keshendi testileýge qatysý úshin ótinim bergenderge qujattardyń qabyldanǵany týraly qolhat tapsyrylady.
Belgili bolǵandai, testileýge qatysý úshin ótinim qabyldaý sharalary 3-25 shilde aralyǵynda iske asyrylady.
