Qurmetti dostar!
«Nur Otan» partiiasynyń Tóraǵasy – Elbasynyń praimerizdi ashyq ári ádil ótkizý týraly tapsyrmasy júieli túrde iske asyp jatqanyn nyq senimmen aitýǵa bolady. Kepildik etilgen qatań qadaǵalaý talaptary múltiksiz oryndalýda.
Praimeriz ótkizý erejeleri men partiianyń basqa da ishki normalaryna qaishy keletin áreketter úshin qatań shara qoldanylyp, keleńsizdikke jol bergen úmitkerler partiiaishilik irikteýden shyǵarylýda.Jalpy 29 qyrkúiekke deiin 734 úmitker tirkeýden shyǵaryldy. Onyń ishinde 668 adam óz erkimen shyqty. Aimaqtyq uiymdastyrý komitetteriniń sheshimimen 64 úmitkerdiń ótinishi kúshin joidy. Olardyń 27-si debattarǵa qatysýdan bas tartqany úshin, 4-eýi partiia Jarǵysy men ádil saiasi básekeniń talaptaryna qaishy keletin áreketteri úshin bolsa, taǵy 33 kandidat boiynsha bastaýysh partiia uiymdary ótinishterin keri qaitaryp aldy.Barlyq aryz-shaǵymdarǵa jáne buzýshylyqtarǵa monitoring jasap, olarǵa jedel túrde tiisti shara qoldanylýda.Taǵy da eskerte keteiin, eger qandai da bir tártip buzý faktisine kýá bolǵan jaǵdaida «Nur Otan»-nyń partiialyq baqylaý organdaryna habarlaýdy suraimyz. Sondai-aq, 8 (800) 080 4441 telefonyna habarlasyp (habarlasý tegin) nemese komek@nurotan.kz elektrondy poshtasyna hat joldaýǵa bolady.Praimerizge qatysyp jatqan barlyq úmitkerlerge sáttilik tileimin! Al partiia múshelerin 1-3 qazan aralyǵynda https://primaries.kz/ portaly arqyly daýys berýge belsendi túrde qatysýǵa shaqyramyn.
«Nur Otan» partiiasynyń hatshysy
Álibek Áldeneidiń Feisbýktaǵy jazbasynan
