Túrkistan oblysynda Kentaý qalasy mańyndaǵy jer úide gaz ballony jarylyp, artynsha órt tutanǵan, dep habarlaidy "Ult aqparat" QR IIM Tótenshe jaǵdailar komitetine silteme jasap.
Apat saldarynan 14 jasar qyzdy kúiik shalǵan.
«14 qazan kúni 11:16-da Túrkistan oblysynyń Kentaý qalasynan 20 shaqyrym jerdegi Júinek aýylynda ýaqytsha turý úshin salynǵan úide gaz ballony jarylyp, 32 sharshy metrdi jalyn sharpydy», - delingen habarlamada.
Órt sóndirýshiler jalyndy 12:28-de óshirdi. 2005 jylǵy qyz kúiik shalyp aýrýhanaǵa jetkizildi.
Qolda bar derekke súiensek, apattyń sebebi – gaz ballony redýktorynda aqaý bolǵan.
Órtti sóndirýge oblystyq TJD 7 qyzmetkeri jáne 2 tehnika jumyldyrylǵan.
