Túrkistan oblysy ákimi Ómirzaq Shókeevtiń Kentaý qalasyndaǵy jumys saparynda kendi shahardaǵy tálimbaqty qalpyna keltirip, jańa demalys jáne ǵylymi-zertteý ortalyǵyna ainaldyrý máselesi kóterildi, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Tálimbaqqa arnaiy barǵan óńir basshysy jergilikti turǵyndarmen kezdesip, kezinde Kentaýdyń maqtanyshy bolǵan baýdy qaita jaiqaltý jónindegi ótinishteri men usynystaryn tyńdady. Qala ákimi Rashid Aiýpov jobanyń máni men mańyzy týraly baiandady. Usynystardy tyńdaǵan Ómirzaq Shókeev bul jobaǵa qoldaý kórsetilýi tiis ekenin jetkizdi.
«Usynys zerdelenip, tiisti sheshim qabyldanady. Qalanyń atmosferasyn jaqsartý, jasyl jelekti molaitý baǵytyndaǵy bastamalardy qoldaimyn», – dei kele jaýaptylarǵa baýdy ielikke alý, oǵan qajetti jospardy bekitý jáne qajetti qarjy kólemin anyqtaý jóninde tapsyrma berdi.
Qazir arnaiy sýǵarylmasa da, aǵash mol ósip turǵan baýǵa sý kózin tartý, infraqurylymyn jasaqtaý baǵytyndaǵy josparlar zertteletin boldy. Arnaiy mamandardyń kómegimen atalǵan təlimbaqtyń mańaiynda ósken aǵashtardyń qazirgi jaǵdaiyn zerttep, aýyrǵan aǵashtardy emdep, tyńaitqyshpen qamtyp, jaiqaltý kózdelip otyr. Keńes zamanynda munda 150 túrli aǵash kóshetteri ósirilgen eken. Aldaǵy ýaqytta sol dańqyn qaita jańǵyrtyp, sándik jáne jemis aǵashtaryn molaitý josparda bar.
Jalpy oblys ákiminiń tikelei qoldaýymen Kentaýda infraqurylym, gazben qamtý, sý máseleleri retimen sheshimin taýyp keledi. Kentaý qalasy ortalyqtandyrylǵan aýyz sýmen 100% qamtylǵan. 7 eldi meken táýlik boiy 24 saǵat aýyz sýmen qamtylsa, Ashysai aýylyna kestemen 12 saǵat ýaqytpen berilýde. Osy aýmaqty táýligine 24 saǵat aýyz sýmen qamtamasyz etý úshin quny 68,2 mln. teńge bolatyn smetalyq qujattamalary daiyndalyp, qarjy qarastyrylyp, jumystar bastalǵan. Kentaý qalasyndaǵy káriz sý sorǵy stantsiiasyn aǵymdaǵy jóndeýden ótkizý úshin smetalyq qujattary ázirlenip, oblystyq biýdjet esebinen qarjy bólindi. Búginde merdiger mekeme anyqtaýǵa memlekettik satyp alý rásimderi júrgizilýde.
«Kentaý qalasyndaǵy káriz sý tazartý stantsiiasy men sý tazartý qurylymdarynyń qurylysy» jobasyn iske asyrý úshin tehnikalyq-ekonomikalyq negizdeme (TEN) ázirlenýde. Joba iske asqan jaǵdaida qala turǵyndary tolyqqandy káriz júiesine qosyla alady jáne qalanyń kireberis jerindegi jaǵymsyz iis máselesi sheshiledi.
Kentaý qalasynda «Qosqorǵan» sý qoimasyn odan ári tolyqtyra otyryp, sý tómendetý júiesin salý jobasynyń qurylys jumystary júrip jatyr. Nysan 2023 jylǵa ótpeli. Budan bólek, oblystyq biýdjetten Kentaý qalasyn damytýǵa 1,3 mlrd. teńge qarjy bólinip, ol Kentaý qalasyn abattandyrý jumystaryna, «Jastar», «Kenshi» saiabaqtaryn retteýge jumsalýda. Jylý júielerin jóndeýge, kómir satyp alýǵa, magistraldy jáne gaz taratýshy (AGTS) jelilerine tehnikalyq qyzmet kórsetýge de atalǵan qarjydan tiisti qarajat baǵyttalyp otyr.
«Aýyl – El besigi» jobasy aiasynda 2022 jyly 2 eldi mekende 13 joba iske asyrylýda. Qarnaq eldi mekeninde 10,8 shaqyrym bolatyn 10 kóshege 96,9 mln. teńge qaralyp, asfalt tóseý jumystary júrgizilip jatyr. Jalpy oblys ortalyǵynyń Túrkistan qalasyna aýysýy Kentaýdyń damýyna úlken serpin berip otyr.
