Keńsege baryp jumys isteitin qazaqstanlyqtar sany 25 paiyzǵa azaidy. Bul týraly Eńbek resýrstaryn damytý ortalyǵy málimetinde aitylǵan, dep habarlaidy "Ult aqparat".
«Eńbek resýrstaryn damytý ortalyǵy» AQ (ERDO) mamandary Google derekterine súiene otyryp tujyrymdaǵandai, 2020 jylǵy 28 qyrkúiek pen 4 qazan aralyǵyndaǵy bir aptada qazaqstandyqtardyń jumys ornynda bolýy, iaǵni 2020 jyldyń basyndaǵy kórsetkishke qaraǵanda 74-75 paiyzdy qurady.
«Adamdardyń júrip-turýyna jasalǵan taldaý barysy, tutastai qaraǵanda karantindik shekteýlerdi engizý jáne alyp tastaý merzimine sáikes keledi. Máselen, jumys oryndaryna barýdyń aitarlyqtai báseńdeýi 16 naýryzda bastalyp, baqylaý mánderi turǵysynda 14% tómen boldy, al naýryzdyń aiaǵy men sáýirdiń basyndaǵy jappai karantinniń basynda jumys oryndaryna kelý ádettegi kórsetkishten 46-dan 55 paiyzǵa deiin aýytqydy», - dedi ERDO boljaý departamentiniń direktory Dmitrii Shýmekov.
Qańtardaǵy kórsetkishterge maýsymnyń basyndaǵy belgili bir aralyq ýaqyt jaqyn boldy (jumysqa barý - 78-80%). Sodan keiin jumys oryndaryna barý qaitadan shildeniń ortasyndaǵy 60-63%-ǵa deiin tómendeýin jalǵastyrdy. Odan soń birqalypty ósim qazirgi 74-75%-ǵa deiin kóterildi.
«Biz atalǵan qazaqstandyqtardyń 25-26 paiyzy jumyssyz qaldy demeimiz. Kerisinshe, olardyń basym bóligi qashyqtan jumys isteýge aýysty dep sanaimyz», - dep naqtylady taldaýshy.
Google málimetin zerdeler bolsaq, olardyń derekter shoǵyry COVID-19-pen kúresýdiń jańa shekteýlerine jáne basqa sharalarǵa bailanysty adamdardyń minez-qulqynyń qalai ózgergenin kórsetedi. Esepterde adamdardyń úilerinen qanshalyqty jii nemese sirek shyǵatyndyǵy jáne saýda oryndary, oiyn-saýyq ortalyqtary, azyq-túlik dúkenderi, dárihanalar, saiabaqtar, vokzaldar jáne taǵy basqa jerlerge baratyny kórinis tapqan.
Biyldyń 3 qańtarynan 6 aqpanyna deiingi jáne 28 qyrkúiek pen 4 qazan aralyǵyndaǵy baqylaý kezeńderin salystyrar bolsaq, meiramhanalar, dámhanalar men saýda ortalyqtaryna barýdyń 14-17 paiyzǵa, al saiabaqtarǵa barýdyń 5-7 paiyzǵa tómendegeni anyqtalady. Azyq-túlik dúkenderi men dárihanalarǵa barý, sondai-aq halyqtyń turǵyn aýdandardaǵy qozǵalysy is júzinde ózgergen joq.
