Foto: ashyq derekkóz
Aqtóbe oblysynyń Temir aýdanyndaǵy Keńqiiaq aýylynda eki munaishy arasyndaǵy janjal aýyr qylmyspen aiaqtaldy. Oqiǵa saldarynan 43 jastaǵy er adam pyshaq jaraqatymen aýrýhanaǵa jetkizilip, jaǵdaiy turaqty aýyr dep baǵalanýda, dep habarlaidy Ult.kz.
Aldyn ala málimetterge sáikes, kásiporynnyń eki qyzmetkeri mas kúiinde sózge kelip qalǵan. Janjal barysynda olardyń biri áriptesine pyshaq jaraqatyn salǵan.
Atalǵan derek boiynsha Keńqiiaq aýyldyq politsiia bóliminde densaýlyqqa qasaqana ziian keltirý faktisimen sotqa deiingi tergeý amaldary bastaldy. Bul týraly Aqtóbe oblystyq politsiia departamentiniń baspasóz qyzmeti habarlady.
Zardap shekken azamat 28 sáýir kúni tańǵy saǵat 05:00 shamasynda aýyldyq aýrýhanaǵa jetkizilgen. Dárigerler oǵan barlyq qajetti meditsinalyq kómekti kórsetken. Qazirgi ýaqytta naýqas dárigerlerdiń turaqty baqylaýynda, jaǵdaiy aýyr dep baǵalanýda.
Quzyrly organdar oqiǵanyń barlyq mán-jaiyn anyqtap jatyr.
