Kommýnisterdiń belbalasy - komsomoldyń 100 jyldyǵyn toilaǵanǵa, bu qazaqtyń neǵyp óti jaryldy dep jatqandar bar. Aǵalaryńyzdy, bastyqtaryńyzdy qalai aqtasańyzdar da, bul joly kóptiń ókpesi oryndy. Qaraqtarym-oý, aityńyzdarshy, dál bizdei, VLKSM-nyń júzjyldyǵyn elden buryn, memlekettik deńgeide Resei toilatyp-ýralatty ma?! Toilaǵan joq qoi! Endeshe, babalaryn qynadai qyryp tastaǵan qazaqqa ne joryq?
Álixannyń toiyna kelip, ultqa luǵatty sóz aitýǵa jaramaǵan igi jaqsylarymyz, komsomoldy toilatýǵa "aiaqtary" jetipti.
Alashtyń júz jyldyǵyn memlekettik masshtabta atap ótýge sarańdyq tanytqandar, Qudaidan bezgen "quzǵynnyń" qyzyǵyna myrzalyq tanytypty.
Ultymyzdyń marqasqalary dúnieden ótip jatqanda, bir ýys topyraq salyp ketýge qoly timeitinder, komsomoldy eske alýǵa tóbe kórsetipti.
Keńestik júieden irgesin aýlaq ustaǵan TMD-lyq 15 memlekettiń qaisysy Parlamenttiń tórinen kommýnisterge oryn berdi? Bizden basqa?
15-tiń qaisysynyń biligi oryssha shúldirlep júr?
15-tiń qaisysy Eýraziialyq Odaqty qurýǵa emeshesi ezilipti?
15-tiń ishinde dúbirletip komsomoldyń týyn kóterip, Lenin znachogyn keýdesine taǵyp jatqan latysh, eston, ózbek, tájikti kórdińizder me?
Ári-beriden soń, 15 memlekettiń ishinde qai ult áleýmettik jelide, dál biz sekildi, komsomoldy qorǵap yryldasyp jatyr?
Keńestik júieniń kez-kelgen elementin qorǵaý - ultymyzdy qorlaý!
Al onyń simvolyn toilaý - babalar jolyna, qazaqtyń kóz-jasyna túkirý!
Amerikalyq jazýshy, Nobel syilyǵynyń laýreaty Perl Bak bylai dep oi tolǵap edi: "Adamdy keshirý - úlken danalyq, ekinshi ret keshirý - sheksiz meiirbandyq, úshinshi ret keshirý - baryp turǵan aqymaqtyq!" dep.
Tutas ultymyzǵa ǵasyrlar boiy genotsid jasap, qorlyqtyń "kókesin" kórsetken júiede qazaqtyń jeti atasynyń kegi bar. Bul jai kek emes, tektiń kegi... Babalardyń jeidesine juqqan qan kepken joq jáne aldaǵy urpaqtyń ol kekti keshýi ekitalai...
Dina Elgezektiń feisbýktaǵy jazbasynan
