Kemerovo TJMMB basshysy Aleksandr Mamontov pen Kemerovo TJM qadaǵalaý bóliminiń basshysy Grigorii Terentevke "Zimniaia Vishnia" saýda ortalyǵyndaǵy órtke bailanysty selsoqtyq jáne ysyrapshyldyq tanytty degen aiyp taǵyldy, dep habarlady RIA Novosti BQ ókili Svetlana Petrenkoǵa silteme jasap.
Onyń aitýynsha, ekeýi mindetterine qarai "selsoqtyq" jáne "ysyrapshyldyq" babymen aiyptaldy. Sonymen qatar, olardy qamaýǵa alý týraly sheshim de shyqty.
Tergeýdiń nusqasy boiynsha, Mamontov pen Terentev 2017-2018 jyldary saýda ortalyǵynda órt qaýipsizdigin saqtaý boiynsha tekseristi josparlamaǵan jáne júrgizbegen, tekserý 2018 jyly 18 naýryzda ótýi tiis bolǵan.
Sonymen qatar, Mamontov laýazymyn asyra paidalanyp, 2015 jyldyń maýsymy men 2018 jyldyń sáýiri aralyǵynda 1,8 million rýbldi jymqyrǵan degen kúdik bar.
Aita keteiik, Kemerovadaǵy "Zimniaia vishnia" saýda ortalyǵynda 25 naýryzda órt bolyp, 60 adam qaza tapty, olardyń basym bóligi balalar.
Tergeý saýda ortalyǵynda avtomatty dabyl qaqqyshtyń jumys istemegenin, al kúzetshiniń tótenshe jaǵdai týraly habar berý úshin tetikti baspaǵanyn anyqtady.
Qylmystyq is boiynsha segiz adam qamaýǵa alyndy, olardyń qatarynda ǵimarattyń ieleri, basqarýshylary, kúzetshiler men dabyl qaqqyshqa jaýaptylar bar.
