Pandemiia jaǵdaiynda buqaralyq aqparat quraldarnyyń indýstriiasy erekshe aitarlyqtai transformatsiiadan ótti.
Astana Media Week 2020 sharasynyń «Pandemiia jáne BAQ-qa senim daǵdarysy» plenarlyq sessiiasynda Aqparat jáne qoǵamdyq damý vitse-ministri Kemelbek Oishybaev osylai dedi, dep habarlaidy QazAqparat.
«Jańa basymdyqtar men syn-tegeýrinder aiqyndaldy. Pandemiia kezeńinde resmi BAQ – aqparat alýdyń negizgi kózine ainaldy, sebebi bul rette ótip jatqan jaǵdaidyń shynaiylyǵy birinshi orynǵa shyqqan bolatyn. Aldymyzǵa qoǵamdaǵy jalǵan aqparattarǵa jol bermeý mindetin qoidyq. Osy rette Ortalyq Aziianyń qaýipsizdik jáne seriktestik máseleleri jónindegi institýtynyń málimetine sáikes, 2020 jyldyń sáýir aiynda Qazaqstanda aqparattyq materialdarǵa ený kórsetkishi 72,5 millionǵa deiin artqan. Iaǵni jýrnalister daiarlap, taratatyn aqparatqa degen qajettilik artyp barady. Jalpy pandemiia ýaqytynda jalǵan aqparat pen arandatýdyń saldary kútpegen jaǵymsyz jaǵdailarǵa aparyp soǵatynyna kóz jetkizdik», - dedi Kemelbek Oishybaev.
Vitse-ministrdiń aitýynsha, áleýmettik jelide ártúrli aqparat tarap ketkendikten halyq onyń qaisysyna senip, qaisysyna senbeý kerektigin bilmei qalǵan. Kemelbek Oishybaev bul rette «Qazaqstanda aýaǵa virýs taratatyn ushaq bar eken» degen jalǵan aqparattyń ózi birshama dúrbeleń týdyrǵanyn eske saldy.
Onyń sózinshe, mundai aqparattardyń mán-jaiyn ýaqtyly túsindirip otyrmasa, qoǵamda dúrbeleń týyp ketýi múmkin.
Aita ketsek eloradada Astana Media Week 2020 sharasy ótip jatyr. Is-sharanyń negizgi maqsaty – otandyq mediasalany damytý men indýstriiadaǵy iskerlik qarym-qatynasty aimaqtyq jáne halyqaralyq deńgeide ilgeriletý. Mediaaptalyq tórtinshi jyl qatarynan álemniń túpkir-túpkirinen jetekshi sarapshylardy dástúrli túrde jinap, ózekti taqyryptar talqylanady.
