Túrkistan oblysynda kelininiń betin ystyq shanyshqymen kúidirgen áiel kópshilikten keshirim surady. «Bul qadamǵa ashýmen bardym» degen qaiynápkeniń videomálimdemesi jýrnalist Gúlmira Ábiqaidyń Instagram-paraqshasynda jariialanǵan.
Eske salaiyq, buǵan deiin Túrkistan oblysy Otyrar aýdanynda turatyn 40 jastaǵy áieldi qaiynbikesi qorlaǵany týraly jazǵan bolatynbyz. Kúieýiniń ápkesi jýylmaǵan gaz plitasy úshin onyń betine shanyshqyny qyzdyryp basqan. Jýrnalist Gúlmira Ábiqaidyń aitýynsha, zábir kórgen áieldiń aqyl-esiniń damýynda tejeýi bar, sondai-aq ol bala kezinen jetim ósken.
Túrkistan oblystyq politseileri bolsa eshkimnen aryz túspegenin, biraq atalǵan oqiǵany tekseretinin málimdep otyr.
Al, ózin Baǵila Káribai dep tanystyrǵan áiel mundai qadamǵa ashýmen barǵanyn aityp, kópshilikten keshirim surady.
