«Astana» halyqaralyq qarjy ortalyǵynyń basqarýshysy, QR Ulttyq bankiniń burynǵy tóraǵasy Qairat Kelimbetov Ázerbaijannyń Halyqaralyq bankine qazaqstandyq zeinetaqy qarjysynyń salynýyna qatysty pikir bildirdi, dep habarlaidy "Ult aqparat".
«Osymen qoǵamnyń alańdaýy toqtaýy qajet dep sanaimyn. Barlyq qarjy tolyq kólemde qaitarylady. Osyǵan orai ózim múshe bolyp sanalatyn qarjy qoryn quttyqtaǵym keledi. Nelikten men Direktorlar keńesine múshemin? Óitkeni, men protsesstiń bir bólshegi boldym jáne qaita qurylymdaý protsesiniń de bólshegi sanalamyn. Qazaqstanda qaita qurylymdaý tájiribesi bar adamdar kóp emes. Sondyqtan Úkimet maǵan ótinish jasady. Qarjy tolyq kólemde qaitarylady. Joq degende ekinshi jolmen. Búgingi kúni Úkimettiń ustanymy osyndai», - dedi Qairat Kelimbetov Astana ekonomikalyq forýmy aiasynda.
Buǵan deiin habarlanǵandai, QR Premer-Ministri Baqytjan Saǵyntaev Ázerbaijannyń Halyqaralq bankinen Biryńǵai jinaqtaýshy zeinetaqy qorynyń qarjysyn qaitarý jónindegi arnaiy ókil taǵaiyndaǵan bolatyn
