Túrkistan oblysynyń ákimi Ómirzaq Shókeevtiń jyl basynda bergen tapsyrmasyna sáikes Keles aýdanynda «Qazynaly qariia – teń qoǵam» atty áleýmettik qyzmetter kórsetý ortalyǵy ashylǵan bolatyn. Kóktemniń alǵashqy kúninde ashylǵan mekeme egde jastaǵy qariialarǵa jáne múmkindigi shekteýli jandarǵa qyzmet kórsetip keledi. Aýdan ortalyǵy Abai aýylynan qonys tepken ǵimarat zaman talabyna sai sońǵy úlgidegi qural- jabdyqtarmen qamtylǵan. Bul týraly Túrkistan oblysy ákimdiginiń baspasóz qyzmeti habarlady.
Jalpy quramynda 14 qyzmet túrin kórsetetin ortalyqtan qyzmet alýshylar dán riza. Emdik dene shynyqtyrý, tuz kesheni, terapevt keńesi, shahmat, toǵyzqumalaq, domino, kompiýterdi, internetti úiretý kýrstary, kitaphana, meiirgerlik súiemeldeý, psiholog, massaj, qolóner, ústel tennisi, biliard, gimnastika syndy sharalar atalǵan ortalyqta uiymdastyrylyp qejettiligine qarai qyzmet atqarady.
«Búgingi kúnge deiin «Qazynaly qariia – teń qoǵam» áleýmettik qyzmet kórsetý ortalyǵynda 250 zeinetker qabyldandy. Onyń ishinde er adamdar sany – 110, áiel adamdar 145-ti quraidy. Kúnine jalpy 50 zeinetkerge qyzmet kórsetý kestesi bekitilgen. Zeinetkerler kúndelikti belgilengen keste boiynsha emdik sharalaryn qabyldap, qyzmet alýda», – deidi ortalyq direktory Aigerim Tólepbergenova.
Ortalyqta múmkindigi shekteýli azamattarǵa áleýmettik, quqyqtyq, psihologiialyq kómek, áleýmettik qyzmet alý jáne jumysqa ornalastyrý boiynsha kómekter kórsetiledi. Kózi nashar kóretin jandarǵa brail ádisimen oqytylatyn kitaptar usynylǵan. Qazirgi tańda ortalyqta 72 múmkindigi shekteýli azamat tirkelgen.
