Elimizde jylyjai sharýashylyǵy damyp keledi. Taǵy bir qýanyshty jańalyq, jylyjai sharýashylyǵyna qajetti zattar Túrkistan oblysynda shyǵarylady. Oblys ákimi Darhan Satybaldy Keles aýdanyna jumys saparynda sol kásiporynǵa baryp, jai-kúiimen tanysty. Bul týraly oblys ákimdiginiń baspasóz qyzmeti habarlady.
Keles aýdany, Oraz ata eldi eldi mekeninde ornalasqan «Keles Plast» JShS qaita óńdeý tsehynda plenka, press jip, jylyjaiǵa arnalǵan qysqysh, kóshet ósirýge arnalǵan stakan ónimderi shyǵarylady. Jergilikti turǵyn Nurjan Ýmarov jetekshilik jasaityn kásiporynda jylyjai shaýrashylyǵyna qajetti zattar shyǵarylyp, sharýalar arasynda suranysqa ie bolyp otyr.
Jobanyń jalpy quny – 150 mln. teńge. Kásipker óz qarajaty esebinen 127 mln. teńge jumsasa, al nesie qarajaty esebinen 23 mln. teńge alyp, jobany júzege asyrǵan. Kásiporyn 2018 jyly qoldanysqa berilgen. Óńir basshysy kásipkerdiń qadamyn joǵary baǵalap, otandyq ónimderdi kóbeitý – ýaqyt talaby ekenin jetkizdi.
Oblys basshysy Birtilek aýyldyq okrýgi aýmaǵynda ornalasqan «Orazov Ermahan» sharýa qojalyǵynda da boldy. Ashyq egistik jerden jylyna 2-3 ret kókónis ósiretin jáne jylyjai sharýashylyǵymen de ainalysatyn sharýa qojalyǵynyń basshysy Seidahmet Bijigitov 6 gektar aýmaqqa qyryqqabat, dándik júgeri, jońyshqa, qiiar syndy ónimderdi ósirip, 4 adamdy jumyspen qamtyp otyr. Jobanyń jalpy quny – 9 mln. teńge. Bir jylda 820 tonna kókónis ósiriledi. Kásiporyn men sharýa qojalyǵynda kásipkerlermen, diqandarmen kezdesken D.Satybaldy aýyl sharýashylyǵyn qoldaý, osy baǵyttaǵy jobalardy kóbeitý jumys jalǵasatynyn aitty. Kásipkerlerdiń ótinishterin tyńdap, suraqtaryna jaýap berdi.
