ەلٸمٸزدە جىلىجاي شارۋاشىلىعى دامىپ كەلەدٸ. تاعى بٸر قۋانىشتى جاڭالىق, جىلىجاي شارۋاشىلىعىنا قاجەتتٸ زاتتار تٷركٸستان وبلىسىندا شىعارىلادى. وبلىس ەكٸمٸ دارحان ساتىبالدى كەلەس اۋدانىنا جۇمىس ساپارىندا سول كەسٸپورىنعا بارىپ, جاي-كٷيٸمەن تانىستى. بۇل تۋرالى وبلىس ەكٸمدٸگٸنٸڭ باسپاسٶز قىزمەتٸ حابارلادى.
كەلەس اۋدانى, وراز اتا ەلدٸ ەلدٸ مەكەنٸندە ورنالاسقان «كەلەس پلاست» جشس قايتا ٶڭدەۋ تسەحىندا پلەنكا, پرەسس جٸپ, جىلىجايعا ارنالعان قىسقىش, كٶشەت ٶسٸرۋگە ارنالعان ستاكان ٶنٸمدەرٸ شىعارىلادى. جەرگٸلٸكتٸ تۇرعىن نۇرجان ۋماروۆ جەتەكشٸلٸك جاسايتىن كەسٸپورىندا جىلىجاي شاۋراشىلىعىنا قاجەتتٸ زاتتار شىعارىلىپ, شارۋالار اراسىندا سۇرانىسقا يە بولىپ وتىر.
جوبانىڭ جالپى قۇنى – 150 ملن. تەڭگە. كەسٸپكەر ٶز قاراجاتى ەسەبٸنەن 127 ملن. تەڭگە جۇمساسا, ال نەسيە قاراجاتى ەسەبٸنەن 23 ملن. تەڭگە الىپ, جوبانى جٷزەگە اسىرعان. كەسٸپورىن 2018 جىلى قولدانىسقا بەرٸلگەن. ٶڭٸر باسشىسى كەسٸپكەردٸڭ قادامىن جوعارى باعالاپ, وتاندىق ٶنٸمدەردٸ كٶبەيتۋ – ۋاقىت تالابى ەكەنٸن جەتكٸزدٸ.
وبلىس باسشىسى بٸرتٸلەك اۋىلدىق وكرۋگٸ اۋماعىندا ورنالاسقان «ورازوۆ ەرماحان» شارۋا قوجالىعىندا دا بولدى. اشىق ەگٸستٸك جەردەن جىلىنا 2-3 رەت كٶكٶنٸس ٶسٸرەتٸن جەنە جىلىجاي شارۋاشىلىعىمەن دە اينالىساتىن شارۋا قوجالىعىنىڭ باسشىسى سەيداحمەت بيجٸگٸتوۆ 6 گەكتار اۋماققا قىرىققابات, دەندٸك جٷگەرٸ, جوڭىشقا, قييار سىندى ٶنٸمدەردٸ ٶسٸرٸپ, 4 ادامدى جۇمىسپەن قامتىپ وتىر. جوبانىڭ جالپى قۇنى – 9 ملن. تەڭگە. بٸر جىلدا 820 توننا كٶكٶنٸس ٶسٸرٸلەدٸ. كەسٸپورىن مەن شارۋا قوجالىعىندا كەسٸپكەرلەرمەن, ديقاندارمەن كەزدەسكەن د.ساتىبالدى اۋىل شارۋاشىلىعىن قولداۋ, وسى باعىتتاعى جوبالاردى كٶبەيتۋ جۇمىس جالعاساتىنىن ايتتى. كەسٸپكەرلەردٸڭ ٶتٸنٸشتەرٸن تىڭداپ, سۇراقتارىنا جاۋاپ بەردٸ.
