«Dala daýysy» ulttyq syilyǵynyń qorytyndysy jeltoqsan aiynda shyǵarylady. Bul týraly Mádeniet jáne sport vitse-ministri Nurǵisa Dáýeshov málim etti, dep habarlaidy QazAqparat.
«Sondai-aq jazýshylar men dramatýrgterge beriletin «Aiboz» syilyǵy bar. Qazirgi tańda oǵan irikteý júrip jatyr. Al kompozitorlardy qoldaý maqsatymen «Dala daýysy» jobasy qolǵa alyndy. Ol baiqaý jeltoqsan aiynda máresine jetedi. Munda da opera janrynda, halyq aspaptarynda tyń týyndylar jazyp júrgen sazgerler marapattalady. «Respýblika áni» atty estradalyq ánder júldesi taǵaiyndalǵan. Osy syilyqtar arqyly biz ónerdiń árbir salasyn qamtýdy kózdedik. Aýqymy úlken bolǵandyqtan «Umai», «Aiboz», «Dala daýysy» siiaqty birneshe taqyrypqa bólip otyrmyz», - dedi ministrdiń orynbasary.
Onyń aitýynsha, keler jyly mádeniet salasyndaǵy jastardy qoldaýǵa arnalǵan jańa syilyq taǵaiyndalmaq.
«Kelesi jyly Prezident Qasym-Jomart Kemelulynyń tapsyrmasymen jastardyń memlekettik syilyǵy taǵaiyndalady. Ol 2023 jyldan bastap beriledi», - dedi Nurǵisa Dáýeshov.
