Elbasy Qorǵanys ministri Nurlan Ermekbaevqa kelesi jyly elordada Jeńistiń 75 jyldyǵy jáne Otan qorǵaýshy kúnine arnalǵan Áskeri paradtyń sapaly ótkizilýin qamtamasyz etýdi tapsyrdy, dep habarlaidy "Ult aqparat" elbasy.kz-ke silteme jasap.
«Qaýipsizdik Keńesiniń tóraǵasy Nursultan Nazarbaev Qorǵanys ministri Nurlan Ermekbaevty qabyldady. Kezdesý barysynda Elbasyna elimizdiń qorǵanys qabiletin nyǵaitý, Qarýly Kúshterdiń bólimsheleri men quramalarynyń jaýyngerlik daiarlyǵyn arttyrý boiynsha júrgizilip jatqan jumystar týraly baiandaldy», delingen habarlamada.
Sonymen qatar, Nursultan Nazarbaevqa osy ýaqytqa deiin ótkizilgen jáne jyl sońyna deiin josparlanǵan aýqymdy jattyǵýlar týraly aqparat berildi.
Kezdesýde basshylyq laýazymdardyń sanyn qysqartý jáne basqarý qurylymyn ońtailandyrý boiynsha jumys nátijelerine erekshe nazar aýdaryldy.
Qazaqstannyń Tuńǵysh Prezidenti kelesi jyly elordada UOS-daǵy Jeńistiń 75 jyldyǵy jáne Otan qorǵaýshy kúnine arnalǵan Áskeri paradtyń sapaly ótkizilýin qamtamasyz etýdi tapsyrdy.
Sondai-aq, Nursultan Nazarbaev otandyq qorǵanys ónerkásibiniń Qorǵanys ministrliginiń múddesine sai sapaly jumysyn qamtamasyz etýdiń mańyzdylyǵyn atap ótti.
Óz kezeginde, Nurlan Ermekbaev Qazaqstan armiiasynyń qurylys jáne damý baǵdarlamalarynyń oryndalýy týraly baiandady. Qorǵanys ministriniń aqparaty boiynsha qazirgi ýaqytta áskeri tehnikanyń zamanaýi úlgileri jáne júielerimen jabdyqtaý jalǵasýda, Qarýly Kúshterdi jan-jaqty qamtamasyz etý júiesi jetildirilýde, oq-dárilerdi qaýipsiz saqtaý boiynsha sharalar qabyldanýda.
