Qazaqstandyq aýyr atlet, Tokiodaǵy XXXII jazǵy Olimpiada oiyndarynyń qola júldegeri Igor Son jeńisten keiingi áserin bólisti, dep habarlaidy "Ult aqparat".
«Esepke alynbaǵan sátter men tóreshilikke qaramastan bizdiń atletter aitarlyqtai nátije kórsetti. Ásirese Igor jattyqtyrýshy qoiǵan salmaqty meńgere bildi. Sondyqtan da bizdiń sportshylardyń kórsetkishin oń dep baǵalap, elimizdiń medal qorjynyn toltyra túskeni qýantady. Bizde aýyr atletika boiynsha báseke joǵary jáne atletterimiz únemi joǵary nátije kórsetip keledi. Mysaly, Tashkentte ótken álem chempionatyna attanǵan 7 sportshymyzdyń altaýy júldemen oraldy, onyń úsheýi altyn medal ielendi», - dedi QR aýyr atletika federatsiiasynyń atqarýshy direktory Aldiiar Nuralinov OKQ-de onlain ótken baspasóz máslihatynda.
Óz kezeginde Tokiodaǵy XXXII jazǵy Olimpiada oiyndarynyń qola júlde iegeri Igor Son daiyndyq odan ári jalǵasatynyn aitty.
«Daiyndyqty odan ári jalǵastyramyn. Endigi Olimpiadada altyn medal úshin talasqa túsemin dep úmittenemin», - dedi Olipiada júldegeri Igor Son.
