Túrkistan oblysynyń Keles aýdanynda bir kúnde 2 mektep paidalanýǵa berildi. Bireýi – Aqtóbe aýyldyq okrýginiń Yntymaq aýylynda, ekinshisi – Qoshqarata aýyldyq okrýginiń Jambyl eldi mekeninde. Ekeýi de 300 orynǵa laiyqtalǵan, zamanýi úlgide salynǵan.
Jańa oqý jylyn jańa bilim oshaǵynda bastaǵan Yntmaqtyq oqýshylardyń qýanyshynda shek joq. Munda sport zal, ashana jáne qajetti quraldarmen jabdyqtalǵan pándik kabinetter bar. Jańa tiptik mekteptiń jalpy alańy 3025 sharshy metrdi quraidy. Mektep ǵimaraty 3 qabatan turady.
Búgin atalǵan bilim oshaǵynyń ashylý saltanaty ótip, Keles aýdanynyń ákimi Aqmentai Esbaev arnaiy qatysty. Saltanatty shara barysynda Qazaqstan Respýblikasynyń Memlekettik Týy engizilip, Qazaqstan Respýblikasynyń Memlekettik Ánurany oryndalady. Aýdan ákimi quttyqtaý sóz sóilep, ata-analar tarapynan Túgelbaev Qańqabai sóz sóiledi.
«Qymbatty oqýshylar, ata-analar, sizderdi búgingi jarqyn da qýanyshty, mereke – Bilim kúnimen quttyqtaimyn. Biyl Keles aýdany kóleminde 2 mekteptiń qurylysy bitip, paidalanýǵa berilýde. Aldaǵy ýaqytta 9 mekteptiń ǵimaratyn salý josparlanyp otyr. Búgin bizdiń aýdanda 63 mektepte ózderińizdei oqýshylar osyndai «Alǵashqy qońyraý» merekesine qatysyp jatyr. Ustazdar qaýymyn Bilim kúnimen shyn júrekten quttyqtaimyn. Jas urpaqqa sapaly bilim men sanaly tárbie berýdegi qiyndyǵy mol eńbekte tyń tabystarǵa qol jetkizýlerińizge tilektespin», – dedi óz quttyqtaýynda aýdan ákimi Aqmentai Úsenuly.
Qoshqarata aýyldyq okrýginiń Jambyl eldi mekenindegi oqýshylar jańa oqý jylyn jańa mektepte qarsy aldy. 2019 jyly qurylysy bastalǵan bilim ǵimaratynyń qurylysy aiaqtalyp, el igiligine tabystaldy. Saltanatty sharaǵa qatysqan Keles aýdany ákiminiń orynbasary Almas Seksenbaev oqýshylar men ustazdardy merekemen quttyqtap, jańa ǵimarattyń lentasyn qidy.
