Keler jyly kóktem jáne kúz mezgilderinde 37 056 er azamatty áskerge shaqyrý josparlanyp otyr. Bul týraly ashyq talqyǵa shyǵarylǵan Úkimet qaýlysynda jazylǵan, dep habarlaidy QazAqparat.
«Oblystardyń, Astana, Almaty jáne Shymkent qalalarynyń ákimderi zańnamada belgilengen tártippen áskerge shaqyrýdy keiinge qaldyrýǵa nemese odan bosatylýǵa quqyǵy joq 18 jastan 27 jasqa deiingi sany 37 056 er azamatty 2023 jyldyń naýryz-maýsymynda jáne qyrkúiek-jeltoqsanynda áskerge shaqyrýdy júrgizýdi qamtamasyz etcin. QR zańnamasyna sáikes áskerge shaqyrý pýnktteri meditsinalyq qamtamasyz etýdi uiymdastyrsyn», - dep kórsetilgen qujatta.
Qaýlyda jazylǵandai, Ishki ister ministrligi áskerge shaqyrylýshylardy jinaý jáne áskerlerge jóneltý oryndarynda tártip saqshylarynyń kúsheitilgen kezekshiligin uiymdastyrady. Merzimdi áskeri qyzmetke shaqyrylǵan azamattardy tasymaldaý jáne olardyń ózge de shyǵystary respýblikalyq biýdjet esebinen óteledi.
Qaýlyny ashyq talqylaý 7 jeltoqsanǵa deiin jalǵasady.
